BS Yediyurappa : कर्नाटकचे मुख्यमंत्री बीएस येदियुरप्पा यांनी 26 जुलै रोजी बोलावलेली भाजप विधिमंडळ गटाची बैठक रद्द केली आहे. येदियुरप्पा यांच्या सरकारच्या दुसर्‍या वर्धापन दिनानिमित्त बोलावलेल्या या बैठकीत येदियुरप्पा खुर्ची सोडण्याबाबत काही संकेत देण्याची शक्यता निर्माण झाली होती. बंगळुरूमध्ये 25 जुलै रोजी पक्षाच्या आमदारांची बैठक घेतली जात असली तरी हे सर्व आमदार मुख्यमंत्र्यांच्या मेजवानीत एकत्र येत आहेत. bs yediyurappa cancel bjp legislature party meeting on 26 july
विशेष प्रतिनिधी
नवी दिल्ली : कर्नाटकचे मुख्यमंत्री बीएस येदियुरप्पा यांनी 26 जुलै रोजी बोलावलेली भाजप विधिमंडळ गटाची बैठक रद्द केली आहे. येदियुरप्पा यांच्या सरकारच्या दुसर्‍या वर्धापन दिनानिमित्त बोलावलेल्या या बैठकीत येदियुरप्पा खुर्ची सोडण्याबाबत काही संकेत देण्याची शक्यता निर्माण झाली होती. बंगळुरूमध्ये 25 जुलै रोजी पक्षाच्या आमदारांची बैठक घेतली जात असली तरी हे सर्व आमदार मुख्यमंत्र्यांच्या मेजवानीत एकत्र येत आहेत.
भाजपच्या एका नेत्याचा हवाला देत हिंदूने दिलेल्या वृत्तानुसार, 25 जुलै रोजी होणारी सभा म्हणजे केवळ ‘डिनर’साठी आहे, ती विधिमंडळ पक्षाची बैठक नव्हे. तथापि, भाजप विधिमंडळ पक्षाच्या बैठकीचे फक्त डिनरमध्ये रूपांतर करण्याचे कोणतेही अधिकृत कारण देण्यात आले नाही.
राजकीय वर्तुळात प्रस्तावित बैठकीऐवजी डिनर ठेवल्याचे कारण असे सांगितले जात आहे की, राज्यातील नेतृत्व बदलण्याबाबत किंवा राजीनामा देण्याच्या चर्चांना फेटाळता येईल. राजकीय विश्लेषकांनी याला पुढचे अंदाज आणि आडाखे आधीच फेटाळण्याची रणनीती असल्याचे म्हटले आहे. काहींनी तर 26 जुलै हा येदियुरप्पांचा डेडी असल्याचे चित्र रंगवले होते.
विधिमंडळ गटाच्या बैठकीला रद्द करून किंवा तिचे स्वरूप न बदलल्यास किमान अशा चर्चांना कमी करता येईल ज्यात 25 जुलै रोजी राज्यात मोठी घोषणा होणार असल्याचे म्हटले जात आहे. मुख्यमंत्र्यांचे राजकीय सचिव म्हणाले होते की, हे फक्त डिनर आहे, तेथे कोणतीही विधिमंडळ पक्षाची बैठक नाही.
bs yediyurappa cancel bjp legislature party meeting on 26 july
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more