दारू घोटाळ्यातून वाचण्यासाठी मनीष सिसोदियांची वकिलांवर कोट्यावधींची उधळण; अभिषेक मनू सिंघवींना 18.97 कोटी रुपये फी!!|Manish Sisodian spends crores on lawyers to escape liquor scam; Rs 18.97 Crore fee to Abhishek Manu Singhvi!!

दारू घोटाळ्यातून वाचण्यासाठी मनीष सिसोदियांची वकिलांवर कोट्यावधींची उधळण; अभिषेक मनू सिंघवींना 18.97 कोटी रुपये फी!!

प्रतिनिधी

नवी दिल्ली : हजारो कोटींच्या दारू घोटाळ्यात अडकलेले दिल्लीचे माजी उपमुख्यमंत्री मनीष सिसोदिया यांनी या दारू घोटाळ्यातून आपला कायदेशीर बचाव करण्यासाठी वकिलांवर अक्षरशः कोट्यावधींची उधळण केली आहे. काँग्रेसचे वरिष्ठ नेते आणि सुप्रीम कोर्टाचे वकील अभिषेक म्हणून सिंघवी यांना मनीष सिसोदियांनी तब्बल 18.97 कोटी रुपयांची फी दिल्याचे ट्विट भाजपचे दिल्लीचे खासदार मनोज तिवारी यांनी केले आहे. मनीष सिसोदिया हे वेगवेगळ्या वकिलांवर कोट्यावधी रुपयांची कशी उधळण करत आहेत याची यादीच या ट्विटमधून मनोज तिवारी यांनी दिली आहे.Manish Sisodian spends crores on lawyers to escape liquor scam; Rs 18.97 Crore fee to Abhishek Manu Singhvi!!

मनी लाँडरिंग केस : दिल्ली दारू घोटाळ्यावरून ईडीची पुन्हा कारवाई, दिल्ली-पंजाबसह 35 ठिकाणांवर छापे

दिल्लीतील दारू धोरणामध्ये कोणताही घोटाळा झालेला नाही. दिल्लीत शिक्षण आणि आरोग्य या दोन क्षेत्रांमध्ये दिल्ली सरकारने उत्तम काम केले आहे म्हणूनच आमच्या दोन मंत्र्यांना मोदी सरकारने जेलमध्ये घातले. पण दिल्लीतले चांगले काम अजिबात आम्ही थांबवणार नाही, असा दावा दिल्लीचे मुख्यमंत्री अरविंद केजरीवाल यांनी केला आहे.

शराब घोटाले से बचने के लिए मनीष सिसोदिया ने कांग्रेस नेता व वकील अभिषेक मनु सिंघवी को ₹18.97 करोड़ केस लड़ने को दिए। करीब ₹21.50 करोड़ तो सिर्फ शराब नीति के केसों के लिए वकीलों को गया है, तो सोचो घोटाला कितना बड़ा होगा। यह पैसा उनकी कमाई का नहीं बल्कि जनता के टैक्स का था। pic.twitter.com/xfFWNNgUaU

— Manoj Tiwari (मोदी का परिवार) 🇮🇳 (@ManojTiwariMP) March 1, 2023

मनीष सिसोदिया यांनी भ्रष्टाचार केला. दारू उत्पादक आणि वितरकांना 6 टक्क्यांऐवजी 12 % कमिशन मिळवून देण्यासाठी दारू धोरणात परस्पर बदल केला. कागदपत्रे घुसडली म्हणूनच त्यांना सीबीआयने अटक केली. ते योग्यच आहे, अशा शब्दांत काँग्रेसचे दिल्लीतले नेते अजय माकन यांनी समर्थन केले होते.

मात्र, त्याच काँग्रेस पक्षाचे नेते आणि सुप्रीम कोर्टातील वकील अभिषेक म्हणून सिंघवी यांनी मनीष सिसोदियांचे वकीलपत्र घेतले आहे आणि त्यांची फी म्हणून मनीष सिसोदिया यांनी त्यांना 18.97 कोटी रुपये दिले आहेत. दारू धोरणाच्या विविध केस लढण्यासाठी वकिलांना आत्तापर्यंत 21.50 कोटी रुपये फी दिले गेल्याचे ट्विट खासदार मनोज तिवारी यांनी केले आहे. हा सगळा पैसा मनीष सिसोदिया यांच्या खिशातला नाही, तर दिल्लीच्या करदात्यांचा आहे. ही पैशांची उधळण त्यांनी दारू घोटाळ्यातून वाचण्यासाठी केली आहे, असा आरोप तिवारी यांनी केला आहे.