गुजरात हायकोर्टात सुनावणी सुरू असताना आत्महत्येचा प्रयत्न, आरोपींना जामीन मिळताच, पती-पत्नीसह चौघांशी प्यायले फिनाइल|Attempted suicide while hearing in Gujarat High Court, as soon as accused got bail, husband and wife drank phenyl with four

गुजरात हायकोर्टात सुनावणी सुरू असताना आत्महत्येचा प्रयत्न, आरोपींना जामीन मिळताच, पती-पत्नीसह चौघांशी प्यायले फिनाइल

वृत्तसंस्था

अहमदाबाद : गुजरातमधील अहमदाबाद उच्च न्यायालयात सुरू असलेल्या सुनावणीदरम्यान आत्महत्येचा प्रयत्न केल्याचे धक्कादायक प्रकरण समोर आले आहे. सुनावणीदरम्यान एका जोडप्यासह चौघांनी फिनाइलचे प्राशन केले. सर्वांना सिव्हिल हॉस्पिटलमध्ये दाखल करण्यात आले आहे.Attempted suicide while hearing in Gujarat High Court, as soon as accused got bail, husband and wife drank phenyl with four

सोला पोलिस स्टेशनचे पीआय जिग्नेश अग्रवाल यांच्याकडून मिळालेल्या माहितीनुसार, आत्महत्येचा प्रयत्न करणारे चारही पीडित तक्रारदार आहेत. सुनावणीदरम्यान न्यायालयाने आरोपीला जामीन मंजूर केला. या निर्णयामुळे संतप्त झालेल्या 4 तक्रारदारांनी कोर्टातच फिनाइल प्राशन केले. पोलिसांच्या पथकाने चौघांनाही सिव्हिल हॉस्पिटलमध्ये नेले.

वादळापूर्वी कच्छला भूकंपाचा धक्का, ‘बिपरजॉय’च्या संकटाअगोदर गुजरातमध्ये अलर्ट जारी!

आरोपींना जामीन मिळाल्याने दाम्पत्याने उचलले टोकाचे पाऊल

पीआय जिग्नेश अग्रवाल यांनी सांगितले की, या कुटुंबाने बँकेतून कर्ज घेतले होते. परंतु, त्यांच्या कर्जाची रक्कम मध्यस्थांनी बळकावली. याप्रकरणी कुटुंबीयांनी आनंद नगर पोलिस ठाण्यात तक्रार दाखल केली होती. याप्रकरणी आज उच्च न्यायालयात अटकपूर्व जामीन अर्जावर सुनावणी सुरू होती. सुनावणीदरम्यान न्यायालयाने आरोपींना जामीन मंजूर केल्याने कुटुंबातील चौघांनी फिनाइल प्यायले. हे चौघेही सोबत फिनाइलची बाटली घेऊन कोर्टात आले होते.