समीर वानखेडे – माझ्या कुटुंबाला ड्रग्स प्रकरणात गोवण्याचा प्रयत्न करत आहेत , ड्रग्ज विकणाऱ्याने माझ्या बहिणीशी संपर्क साधला


समीर वानखेडे यांनी सांगितले की, सलमान नावाच्या ड्रग्ज तस्कराने माझ्या बहिणीशी संपर्क साधला होता, पण तिने त्याला परत पाठवले.Sameer Wankhede – Trying to implicate my family in drug case, drug dealer contacted my sister


विशेष प्रतिनिधी

मुंबई : राष्ट्रवादीचे नेते नवाब मलिक आणि एनसीबीचे अधिकारी समीर वानखेडे यांच्यातील संघर्ष संपण्याचे नावच घेत नाहीये.दरम्यान आता नवाब मलिक यांनी लावलेल्या आरोपांना प्रत्युत्तर देताना समीर वानखेडे यांनी सांगितले आहे की, आम्हाला ड्रग्ज प्रकरणात गोवण्याचा प्रयत्न अनेक दिवसांपासून सुरू आहे. यामागे ड्रग माफियांचा हात असल्याचे ते म्हणाले.

समीर वानखेडे यांनी सांगितले की, सलमान नावाच्या ड्रग्ज तस्कराने माझ्या बहिणीशी संपर्क साधला होता, पण तिने त्याला परत पाठवले.यानंतर समीरने एका मध्यस्थामार्फत आपल्याला ड्रग्ज प्रकरणात अडकवण्याचा प्रयत्न केला. त्यानंतर त्याला अटक करण्यात आली. सध्या तो तुरुंगात आहे. व्हॉट्सअॅप चॅट शेअर करून माझ्यावर जे आरोप केले जात आहेत ते सर्व खोटे असल्याचे त्यांनी सांगितले.



पुढे वानखेडे म्हणाले की, आम्हाला खोट्या प्रकरणात अडकवण्यासाठी मध्यस्थीने आमच्याविरुद्ध खोटी तक्रार या वर्षी जानेवारी महिन्यात मुंबई पोलिसांकडे केली होती. सलमानसारख्या ड्रग्ज पेडलरचा वापर करून आमच्या कुटुंबाला यात गोवण्याचा प्रयत्न केला जात असल्याचा आरोप त्यांनी केला. या सर्व गोष्टींमागे ड्रग माफियांचा हात आहे.

वानखेडे म्हणाले की, राष्ट्रवादीचे नेते नवाब मलिक माझ्या महागड्या कपड्यांवर आणि चपलांबाबत चौकशी करत आहेत. त्यांना माझ्याबद्दल फार कमी माहिती आहे. आधी त्यांना माझ्याबद्दल संपूर्ण माहिती असायला हवी.

नेमक नवाब मलिक वानखेडे यांच्या कपड्याबाबत काय म्हणाले ?

ड्रग्जचा खेळ खेळून वानखेडे करोडो रुपये गोळा करतात.त्यांचे बाकीचे अधिकारी पहा जे फक्त ७०० ते १००० रुपयांचे शर्ट घालतात पण वानखेडे ७०हजार रुपयांचे शर्ट घालतात. नवाब मलिक म्हणाले की , वानखेडे रोज नवीन शर्ट बदलून येतात.त्यांनी पंतप्रधान मोदींनाही मागे टाकले आहे.एवढेच नाही तर वानखेडे यांनी दोन लाखांचे बूट, २५ लाखांचे घड्याळ घातले.एका सामान्य अधिकाऱ्याकडे हे सर्व आले कुठून?

Sameer Wankhede – Trying to implicate my family in drug case, drug dealer contacted my sister

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    देशातील सर्वात स्वस्त इलेक्ट्रिक कार झाली लाँच : टाटा टियागो EV अवघ्या 8.49 लाखांपासून; एका चार्जवर 315 किमी वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती