कल्याण, डोंबिवलीतील १७ वारसास्थळांचे दर्शन केडीएमटीची पर्यटन बससेवेला सुरुवात

विशेष प्रतिनिधी

कल्याण : कल्याण, डोंबिवली, टिटवाळा भागांतील एकूण १७ वारसा स्थळांचे दर्शन केडीएमटीची पर्यटन बससेवेमुळे पर्यटकांना घेता येणार आहे.ऐतिहासिक, सांस्कृतिक वारसास्थळांची समग्र माहिती मिळावी, या उद्देशातून कल्याण-डोंबिवली पालिका परिवहन उपक्रमाने पर्यटन बससेवा मंगळवारपासून सुरू केली आहे. या उपक्रमात १७ ऐतिहासिक ठिकाणांची माहिती आठ तासांत मिळणार आहे.Special bus service to visit 17 heritage sites in Kalyan, Dombivali

करोनामुळे रहिवाशांना घराबाहेर पडता आले नाही. पर्यटनाची हौस भागविता आली नाही. त्यांना ही बस म्हणजे एक पर्वणी आहे. पर्यटक सेवेत २२ आसनांची बस आहे. ४८ तास अगोदर तिकीट नोंदणी करणे आवश्यक आहे. प्रवाशांची नोंदणीनंतर बसफेरीची माहिती दिली जाईल.

कल्याण, डोंबिवलीतील १७ वारसास्थळांचे दर्शन केडीएमटीची पर्यटन बससेवेला सुरुवात

ही बस सकाळी ९ वाजता प्रवासाला सुरुवात करेल आणि सायंकाळी ५ वाजता प्रवास संपेल. आठ तासांत ही बस ९० किलोमीटर धावेल. ज्येष्ठ नागरिक, महिला बचत गट, सामाजिक संस्थांचे महिला, पुरुष कार्यकर्ते, सोसायटीतील कुटुंबीय, शाळा गटसमूहाने या बससाठी नोंदणी करू शकतात. ज्येष्ठ नागरिक आपला वाढदिवस मित्रांसोबत पर्यटनस्थळे पाहताना साजरा करू शकतात.

शाळा आपल्या विद्यार्थ्यांना ऐतिहासिक ठिकाणांची माहिती देऊ शकतात. पाहुण्याला शहराची ऐतिहासिक, सांस्कृतिक ओळख करून देण्यासाठी रहिवासी या पर्यटन बसचा उपयोग करू शकतात.