इन्फोसिसमध्ये ऑफिसमध्ये ऑफिस बॉय ते ₹10 कोटींच्या कंपनीचा मालक, बीडच्या दादासाहेब भगतने चकित झाले शार्क टँकचे अमन गुप्ता|From office boy in office at Infosys to owner of ₹10 crore company, Beed's Dadasaheb Bhagat dazzles Shark Tank's Aman Gupta

इन्फोसिसमध्ये ऑफिसमध्ये ऑफिस बॉय ते ₹10 कोटींच्या कंपनीचा मालक, बीडच्या दादासाहेब भगतने चकित झाले शार्क टँकचे अमन गुप्ता

विशेष प्रतिनिधी

मुंबई : ही कथा तुम्हाला जरी फिल्मी वाटत असली तरी ती अगदी खरी आहे. शार्क टँक इंडिया सीझन 3च्या मंचावर पीचचे आगमन झाले, ज्यामुळे सर्व शार्क भावुक झाले. महाराष्ट्रातील बीड येथून आलेल्या दादासाहेब भगत यांच्या संघर्षाने शार्क टँकमधील सर्व दिग्गजांना थक्क केले. एकेकाळी 80 रुपये रोजंदारी करणारा दादासाहेब आपली कंपनी घेऊन शार्क टॅक्सच्या व्यासपीठावर पोहोचले होते. दहावी पास दादासाहेब एकेकाळी शिपाई म्हणून काम करत होते. इन्फोसिसच्या ऑफिसमधला सफाई कामगार स्वतःची कंपनी काढेल याची कल्पनाही कुणाला नव्हती.From office boy in office at Infosys to owner of ₹10 crore company, Beed’s Dadasaheb Bhagat dazzles Shark Tank’s Aman Gupta

इन्फोसिसमध्ये देशामध्ये पहिली मेगा भरती ;५० हजार फ्रेशर्सना लागणार जॅकपॉट

80 रुपये रोजंदारीवर काम करणारी किंवा कार्यालयात झाडू मारणारी व्यक्ती स्वतःची कंपनी स्थापन करू शकते याची कल्पना क्वचितच कोणी करू शकेल. 1994 मध्ये बीड येथे जन्मलेल्या दादासाहेबांनी दहावीनंतर शिक्षण सोडले. कौटुंबिक जबाबदाऱ्यांचे ओझे त्यांच्या खांद्यावर होते. आई-वडील मजूर म्हणून काम करायचे. घरची आर्थिक परिस्थिती एवढी बिकट होती की, शिक्षण सोडून कुटुंबाला हातभार लावता यावा म्हणून त्यांनी वयाच्या 14व्या वर्षी मोलमजुरी करायला सुरुवात केली. त्यांनी विहीर खोदणे आणि माती वाहून नेण्याचे काम केले, त्यासाठी त्यांना दररोज 80 रुपये मिळायचे.

दादासाहेबांना शिक्षणाचे महत्त्व माहीत होते. शिक्षणानेच आपण आपले नशीब बदलू शकतो हे त्यांना माहीत होते. 2009 मध्ये ते चेन्नईला गेले. त्यांना इन्फोसिस कंपनीत नोकरी मिळाली. त्यांना 9000 रुपये पगार मिळत असे. चहा-पाणी पुरविण्यापासून ते झाडलोट करावी लागत होती. ते शिपाई म्हणून काम करत असल्याचे त्यांनी घरच्यांना सांगितले नाही. संगणकासमोर बसून लोक लाखोंमध्ये पगार घेत असल्याचे त्यांनी पाहिले. मोठमोठ्या वाहनांनी यायचे. म्हणून आपणही संगणक शिकावे असे त्यांना वाटले.

ते संगणक आणि त्याच्या तंत्रज्ञानाशी संबंधित तपशील शिकू लागले. रात्री काम करायचे आणि दिवसा कोडिंग, ग्राफिक्स डिझायनिंग आणि ॲनिमेशनचा अभ्यास करायचे. नोकरीसोबतच त्यांनी C++ आणि Python चे कोर्सेस केले. ते ग्राफिक्स, व्हीएफएक्स, मोशन ग्राफिक्स शिकले. त्यांना एका मोठ्या कंपनीत नोकरीही लागली, पण अचानक त्यांचा अपघात झाला. त्यामुळे त्यांना गावी जावे लागले.

दादासाहेब मित्राकडून भाड्याने लॅपटॉप घेऊन गावी गेले. जिथे ते बसून टेम्प्लेट बनवत असे. येथून त्यांना बिझनेसची कल्पना सुचली. त्यांनी आपले टेम्पलेट्स ऑनलाइन विकण्यास सुरुवात केली. त्यांनी स्वतःच्या कंपनीचे डिझाइन टेम्पलेट बनवले आणि त्यांच्या प्लॅटफॉर्मचे ग्राफिकल टेम्पलेट्स विकण्यास सुरुवात केली. त्यांनी Ninthmotion, DooGraphics नावाच्या दोन कंपन्यांची स्थापना केली. आज त्यांच्या कंपनीचे व्हॅल्यूएशन 10 कोटी रुपये झाले आहे.

शार्क टँकमध्ये त्यांनी त्यांच्या कंपनीच्या 2.5 टक्के इक्विटीच्या बदल्यात 1 कोटी रुपयांची मागणी केली. तथापि, बोटचे सहसंस्थापक अमन गुप्ता यांनी त्यांच्या कंपनीतील 10 टक्के शेअर्सच्या बदल्यात 1 कोटी रुपयांची गुंतवणूक करून करारावर शिक्कामोर्तब केले.