महसूल विभागाचा महत्वाचा निर्णय, यावर्षी रेडी रेकनरच्या दरात कोणतीही वाढ नाही|An important decision of the Revenue Department, there is no increase in the rate of Ready Reckoner this year

महसूल विभागाचा महत्वाचा निर्णय, यावर्षी रेडी रेकनरच्या दरात कोणतीही वाढ नाही

विशेष प्रतिनिधी

मुंबई : वार्षिक बाजार मुल्य दर म्हणजेच रेडी रेकनरचे दर प्रत्येक वर्षी 1 एप्रिल रोजी जाहीर करण्यात येतात. त्यानुसार स्थावर व जंगम मालमत्तेचे सरासरी दर निश्चित करण्यात येतात.An important decision of the Revenue Department, there is no increase in the rate of Ready Reckoner this year

यावर्षी क्रेडाई, विकासक व इतर सामान्य नागरिकांकडून जमीन व इमारत या मिळकतींचे दरांमध्ये कोणतीही वाढ करण्यात येऊ नये अशी विनंती राज्य शासनास करण्यात येत होती. या निवेदनांचा सकारात्मक विचार करुन रेडी रेकनरच्या दरात कोणतीही वाढ करण्यात आलीं नसल्याचे महसूल मंत्री राधाकृष्ण विखे- पाटील यांनी सांगितले.

मुंबई – शिर्डी, मुंबई – सोलापूर वंदे भारत ट्रेनला उत्स्फूर्त प्रतिसाद; ८.६० कोटींचा महसूल जमा

येत्या आर्थिक वर्षात म्हणजेच सन२०२३-२४च्या वार्षिक दर विवरणपत्र दरात कोणताही बदल न करता ते मागील वर्षाप्रमाणेच कायम ठेवण्यात आले आहेत. रेडी रेकनरचे दर स्थिर ठेवल्यामुळे मालमत्ता खरेदी व विक्री करणाऱ्या दोघांनाही फायदा होतो. सामान्य नागरीकांना घर खरेदी करण्यास प्रोत्साहन मिळते. तसेच बांधकाम व्यावसायिक, घरकुल विकासक, रिअल इस्टेटमध्ये काम करणारे मध्यस्थ, वकील व सल्लागार आणि स्थावर मालमत्ता धारकांच्या व्यवसायात उत्साहाचे वातावरण निर्माण होऊन खरेदी-विक्रीस चालना मिळते.

त्यामुळे एकूणच अर्थव्यवस्थेला चालना मिळते. या बाबी विचारात घेऊन शासनाने सन 2023-24 च्या रेडी रेकनरच्या दरात कोणतीही वाढ केली नसल्याचे विखे- पाटील यांनी सांगितले.