हातात शस्त्र घेऊन आक्षेपार्ह वक्तव्य करतानाचा दहशतवाद्याचा व्हिडिओ शेअऱ, बिहारमध्ये युवकाला अटक

By, Pravin Wankhade - September 7, 2021 08:21:26

0

विशेष प्रतिनिधी

पाटणा – सोशल मीडियावरील आक्षेपार्ह मजकूर लाइक केल्याबद्दल आणि त्यानंतर तोच मजकूर इतरांना पाठविल्याबद्दल कोयलादेवा गावातील एका युवकाविरुद्ध देशद्रोहाचा गुन्हा दाखल करण्यात आला आहे. सलीम कुरेशी असे या युवकाचे नाव आहे. त्याला अटक करण्यात आली असून, न्यायालयाने त्याला न्यायालयीन कोठडीत ठेवण्याचा आदेश दिला आहे. Bihar youth shared vdo of terrorist

पोलिसांनी दिलेल्या माहितीनुसार सलीमने एका विदेशी दहशतवाद्याचा, हातात शस्त्र घेऊन देशाविरुद्ध आक्षेपार्ह वक्तव्य करतानाचा व्हिडिओ `लाइक` केला होता. तसेच तो व्हिडिओ त्याने अनेक मित्रांनाही पाठविला होता.

सलीमची पार्श्वेभूमी गुन्हेगारी स्वरुपाची नाहीये, त्यामुळे त्याच्याविरुद्ध कडक कारवाई करण्यात येऊ नये, अशी मागणी त्याच्या कुटुंबीयांनी केली आहे. सर्व गोष्टींचा तपास करून आरोपपत्र दाखल करण्यात येईल, असे पोलिसांनी म्हटले आहे.