देशभरात सुरू झाली सार्वजनिक गणेशोत्सवाची धूम; पण राहुल + जरांगे + तेजस्वी + स्टालिन यांना आजच काढावीशी वाटली आंदोलनाची टूम!!

By, Pravin Wankhade - August 27, 2025 02:10:01

0

विशेष प्रतिनिधी

नवी दिल्ली : सगळ्या देशभरात आणि अगदी परदेशातही सार्वजनिक गणेशोत्सवाची धूम सुरू झाली आहे त्याचवेळी राहुल गांधी + मनोज जरांगे + तेजस्वी यादव आणि एम. के. स्टालिन यांनी वेगवेगळ्या आंदोलनांची टूम काढली आहे. या सगळ्यांच्या आंदोलनाचे वैशिष्ट्य म्हणजे देशातल्या सगळ्यात मोठ्या सार्वजनिक उत्सवात अडथळा आणणाऱ्यांच्या सनातन विरोधकांची एकजूट झाली आहे.

देशभरात आज सार्वजनिक गणेशोत्सवाची धूम सुरू झाली. ठिकठिकाणच्या मंडपामध्ये गणेश मूर्ती विराजमान झाल्या. सगळीकडे गणेशोत्सवाचा मोठा जल्लोष सुरू झाला. देशभरातले आणि परदेशातले कोट्यावधी गणेश भक्त ज्या दिवसाची आतुरतेने वाट पाहत होते, तो दिवस आज आला. पण सनातन धर्माच्या विरोधकांना नेमकी आजच आंदोलनाची टूम सुचली. राहुल गांधींनी मतदाराधिकारी यात्रा काढली. त्या यात्रेत आजच तामिळनाडूचे मुख्यमंत्री एम के. स्टालिन यांना पोहोचायचे सुचले. त्यांना गणेश चतुर्थी शिवाय दुसरा कुठलाही राजकीय मुहूर्त दिसला नाही. बिहार मधल्या मुजफ्फरपूर मध्ये येऊन त्यांनी राहुल गांधी आणि तेजस्वी यादव यांच्या आंदोलनाला पाठिंबा दिला.

#WATCH | Muzaffarpur, Bihar: Tamil Nadu CM MK Stalin says, "… I have come from Tamil Nadu to support my brothers. Rahul Gandhi has exposed the 'vote chori' by the Election Commission. CEC Gyanesh Kumar says that Rahul Gandhi should give an affidavit or apologise. Will Rahul… pic.twitter.com/dR0T8dR8x4

— ANI (@ANI) August 27, 2025

त्याचवेळी महाराष्ट्रात मनोज जरांगे यांना मराठा आरक्षणाचा मुद्दा तापवायची संधी घ्यावीशी वाटली. गणेशोत्सवामध्ये मुंबईत प्रचंड गर्दी होत असताना नेमकी गणेशोत्सवाच्या गर्दीत आंदोलन करायची टूम मनोज जरांगे यांनी काढली. मराठवाड्यातल्या सगळ्या मराठा समाजाला त्यांनी गणेश उत्सव सोडून आंदोलनात सामील व्हायचे आवाहन केले. सुमारे 1200 गाड्या घेऊन ते अंतरवाली सराटीतून बाहेर पडले. त्यांनी एकनाथ शिंदे आणि अजित पवार यांच्या नेतृत्वाची स्तुती केली पण मुख्यमंत्री देवेंद्र फडणवीस यांच्या नेतृत्वावर अश्लाघ्य टीका केली. मराठे सुद्धा हिंदूच आहेत. गणेशोत्सवाला गालबोट लागणार नाही असेच आंदोलन आम्ही करू, असा दावा मनोज जरांगे यांनी केला. उच्च न्यायालयाने त्यांना मुंबईत येऊन आंदोलन करायची बंदी घातली तरी मनोज जरांगे यांनी मुंबईत येण्याचा हट्ट सोडलेला नाही.

#WATCH | Muzaffarpur, Bihar | Addressing during the 'Voter Adhikar Yatra', Lok Sabha LoP Rahul Gandhi says, "On my way here, a group of 6-year-olds looked at me and said 'Narendra Modi Vote chor'. Children as young as 6 years have understood that votes are being stolen in… pic.twitter.com/WiFcGanNyn

— ANI (@ANI) August 27, 2025