पुण्यात सहा टपाल कर्मचाऱ्यांविरोधात २२ लाखांहून अधिक रुपयांचा गंडा घातल्याप्रकरणी गुन्हा दाखलA case has been registered against six postal employees in Pune for defrauding more than 22 lakh rupees

पुण्यात सहा टपाल कर्मचाऱ्यांविरोधात २२ लाखांहून अधिक रुपयांचा गंडा घातल्याप्रकरणी गुन्हा दाखल

आरोपींविरोधात शहरातील विश्रांतवाडी, विमानगर पोलीस ठाण्यात विविध कलमान्वये गुन्हा दाखल करण्यात आला आहे.

प्रतिनिधी

पुणे : मुदत ठेवी (टीडी) आणि सुकन्या समृद्धी योजनेंतर्गत गुंतवणुकीतून २२ लाखांहून अधिक रुपयांचा गंडा घातल्याप्रकरणी पुणे येथील इंडिया पोस्टच्या सहा कर्मचाऱ्यांवर गुन्हे दाखल करण्यात आले आहेत, अशी माहिती पोलिसांनी दिली. A case has been registered against six postal employees in Pune for defrauding more than 22 lakh rupees

शहरातील डंकर्क लाइन्स सब पोस्ट ऑफिस, दिघी कॅम्प सब पोस्ट ऑफिस आणि विमान नगर सब पोस्ट ऑफिसच्या कर्मचार्‍यांवर शुक्रवारी तीन गुन्हे दाखल करण्यात आले, असे एका अधिकाऱ्याने सांगितले. या प्रकरणांमध्ये अद्याप कोणालाही अटक करण्यात आलेली नाही, असे ते म्हणाले.

कॅगचे ऑडिट : c सरकारवर निशाणा, बीएमसीच्या 12 हजार कोटी रुपये खर्चाच्या 76 कामांची चौकशी सुरू

दिघी कॅम्प सब पोस्ट ऑफिसमध्ये जुलै २०१८ ते ऑगस्ट २०२० दरम्यान फसवणूक झाली होती, असे अधिकाऱ्याने सांगितले. टीडी योजनेत २७४ लोकांनी ९.६२ कोटी रुपये जमा केले होते. मात्र, चार अधिकार्‍यांनी एजंटचे कमिशन १८ लाख रुपये ठेवीतून काढून आपापसात वाटून घेतले, असे ते म्हणाले. त्याचप्रमाणे, टीडी योजनेंतर्गत डंकर्क लाइन सब पोस्ट ऑफिसमध्ये ५९ ठेवीदारांकडून २.४७ कोटी रुपये गोळा करण्यात आले, त्यापैकी ४.९५ लाख रुपये काढून घेण्यात आले, असे अधिकाऱ्याने सांगितले.

तिसरा गुन्हा विमान नगर सब पोस्ट ऑफिसच्या डेप्युटी पोस्टमास्टरच्या विरोधात दाखल करण्यात आला आहे, त्यांच्यावर सुकन्या समृद्धी योजनेंतर्गत ४५ हजार रुपये गुंतवलेल्या १९ लोकांची नोंद ठेवण्यात अयशस्वी झाल्याचा आरोप आहे. याप्रकरणी संबंधित आरोपींविरोधात विविध कलमान्वये गुन्हे दाखल करण्यात आले आहेत.