#HinduPhobicSwiggy होळीच्याच दिवशी ट्विटर वर ट्रेंड!!; पण का??

By, Pravin Wankhade - March 7, 2023 04:16:40

0

प्रतिनिधी

मुंबई : स्विगी ही घरोघरी जेवणाची ऑर्डर पोहोचवणारी कंपनी कायम वाद निर्माण करत असते, विशेषत: हिंदूंच्या धार्मिक भावनांना डिवचत असते. या आधीही हैद्राबाद येथे एका ग्राहकाकडे त्यांची जेवणाची ऑर्डर घेऊन मुस्लिम मुलाला पाठवल्याने त्याला त्या ग्राहकाने विरोध केल्यावर लिबरल्सनी सोशल मीडियावर मोठा आरडाओरडा केला होता. पण आता स्विगीने होळीच्या दिवशी हि सण साजरा करण्याविषयी अपप्रचार करणारी जाहिरात प्रसिद्ध केल्यानंतर लिबरल्स गप्प आहेत. सोशल मीडियावर अनेकांनी #बॉयकट स्विगी ट्रेंड चालवला आहे. Swiggy hurts hindu sentiments on holi

काय म्हटले आहे स्विगीने जाहिरातीत?

स्विगीने होळीच्या निमित्ताने ही जाहिरात दिली आहे, ज्यात स्विगीने म्हटले की, ‘अंडे ऑमलेट बनवण्यासाठी, अंडे हाल्फ बॉईल ऑमलेट बनवण्यासाठी, अंडे कुणाच्या डोक्यात फोडण्यासाठी नाही. ही जाहिरात प्रसिद्ध करून स्विगीने हिंदू समाजाला डिवचले आहे.

काय म्हणतात नेटकरी?

या निमित्ताने नेटकऱ्यांनी स्विगी हिंदूंच्या सणाची बदनामी का करत आहे?, अशी विचारणा केली आहे, काही नेटकऱ्यांनी स्विगीने अन्य धर्मियांनी कोणत्या शब्दांत त्यांच्या सणांना शुभेच्छा दिल्या होत्या, याची आठवण करून दिली. स्विगीने हॅपी ख्रिसमस म्हटले, स्विगीने ईद मुबारक म्हटले मग हिंदूंच्या सणांची बदनामी का करत आहे?, अशी विचारणा केली आहे.

तर काहींनी नैसर्गिक रंगांमध्ये खेळली जात असलेल्या होळीचा फोटो ट्विट करून ‘इथे कुठे अंड्याचा वापर होतोय’, अशी विचारणा केली आहे, तर काहींनी स्विगीचे ऍप काढून टाकण्याचे आवाहन केले आहे.