पुण्यातील लसीकरणाची माहिती आता घरबसल्या एका क्लिकवर

पुणे शहरात नागरिकांना लसीकरण केंद्रावर गेल्यावर मोठ्या प्रमाणावर गर्दी पाहण्यास मिळते. त्या पार्श्वभूमीवर पुणेकर नागरिकांना कोणत्या केंद्रावर किती डोस मिळणार, ही माहिती घरबसल्या मिळणार आहे. Information on vaccination in Pune is now available at home with a single click


विशेष प्रतिनिधी

पुणे : पुणे शहरात नागरिकांना लसीकरण केंद्रावर गेल्यावर मोठ्या प्रमाणावर गर्दी पाहण्यास मिळते. त्या पार्श्वभूमीवर पुणेकर नागरिकांना कोणत्या केंद्रावर किती डोस मिळणार, ही माहिती घरबसल्या मिळणार आहे. त्यासाठी संकेतस्थळ कार्यान्वित करण्यात आले असून पुणेकरांना लसीकरणासंदर्भातील सर्व माहिती एका क्लिकवर उपलब्ध होणार आहे.

लसीकरणासाठी आवश्यक असणारी सर्व माहिती आता https://www.punevaccination.in/ या संकेतस्थळावर मिळणार आहे. पुणे महानगरपालिका आणि मराठा चेंबर ऑफ़ कॉमर्स अँड इंडस्ट्रीज (एमसीसीआयए) यांच्या माध्यमातून या डॅशबोर्डची निर्मिती करण्यात आली आहे.



नागरिकांनी या डॅशबोर्डवर क्लिक केल्यावर त्यांनी वयोगट, लशीचा प्रकार (कोव्हॅॅक्सीन, कोव्हीशिल्ड ) डोसचा प्रकार (पहिला व दुसरा ), लसीकरण केंद्र (सरकारी, खाजगी ) असे पर्याय क्लिकद्वारे निवडायचे आहेत.

त्यानंतर संबधित व्यक्तीला शहरातील सर्व लसीकरण केंद्राची माहिती लोकेशनसह उपलब्ध होणार आहे. त्या त्या लसीकरण केंद्रावर क्लिक केल्यास तेथे कुठला लस व डोस उपलब्ध आहे, याचीही माहिती मिळणार आहे.

Information on vaccination in Pune is now available at home with a single click

महत्त्वाच्या बातम्या