बनावट गुणपत्रिका करून कोट्यवधींची कमाई, पाचशेहून अधिक लोकांना दिल्या बनावट पदव्या|Billions earned by fake marksheets , fake degrees given to more than five hundred people

बनावट गुणपत्रिका करून कोट्यवधींची कमाई, पाचशेहून अधिक लोकांना दिल्या बनावट पदव्या

विशेष प्रतिनिधी

इंदूर : बनावट गुणपत्रिका तयार करून पाचशेहून अधिक जणांना बनावट पदवी दिल्याचा प्रकार इंदूरमध्ये उघडकीस आला आहे. या माध्यमातून त्याने कोट्यवधी रुपयांची कमाई केली आहे. केवळ मध्य प्रदेशच नव्हे तर मध्यप्रदेश, महाराष्ट्र, राजस्थान शिक्षण मंडळासह विविध विद्यापीठांच्या बनावट गुणपत्रिका तयार करण्याचा त्याचा धंदा होता.Billions earned by fake marksheets , fake degrees given to more than five hundred people

सतीश गोस्वामी असे अटक करण्यात आलेल्याचे नाव आहे. त्याच्या कार्यालयातून सहा कॉम्प्युटर, दोन प्रिंटर आणि चौदा बनावट गुणपत्रिका जप्त करण्यात आल्या आहेत, असे गुन्हे शाखेचे अतिरिक्त पोलीस अधीक्षक गुरुप्रसाद पाराशर यांनी सांगितले. चार-पाच वर्षांपासून त्याचा हा धंदा सुरू होता.

आधी कठीण प्रश्नाला आधी सामोरे जा ; परीक्षा पे चर्चा’ कार्यक्रमात पंतप्रधान मोदी यांनी दिल्या विद्यार्थाना टिप्स

एका सॉफ्टवेअरच्या मदतीने तो बनावट गुणपत्रिका तयार करायचा. त्या मोबदल्यात तो विद्यार्थ्यांकडून मोठी रक्कम वसूल करून दहावी, बारावीसह विविध विद्यापीठांच्या गुणपत्रिका द्यायचा.५५४ लोकांची नोंदणी असलेल्या दोन नोंदवह्या आढळल्या आहेत

या टोळीकडून लोकांना बनावट गुणपत्रिका मिळाल्या असाव्यात. या टोळीतील इतर लोकांना आणि या टोळीकडून बनावट गुणपत्रिका घेणाऱ्यांना पकडण्याचे प्रयत्न केले जात आहेत.