TMC : साड्यांच्या ढिगाऱ्याखाली लपला TMC नेता! ‘कट मनी’ घोटाळ्याच्या आरोपांनंतर नाट्यमय कारवाई, व्हिडिओ व्हायरल

By, Pravin Wankhade - June 8, 2026 09:00:45

0

वृत्तसंस्था

कोलकाता : TMC पश्चिम बंगालमध्ये तृणमूल काँग्रेस (TMC)च्या एका स्थानिक नेत्याशी संबंधित नाट्यमय घटना चर्चेचा विषय ठरली आहे. कथित ‘कट मनी’ (सरकारी योजनांतील कमिशन) घोटाळ्याच्या आरोपांनंतर संतप्त ग्रामस्थ आणि पोलिसांपासून बचाव करण्यासाठी संबंधित नेता चक्क साड्यांच्या मोठ्या ढिगाऱ्याखाली लपल्याचा दावा करण्यात आला आहे. या घटनेचा व्हिडिओ सोशल मीडियावर मोठ्या प्रमाणात व्हायरल झाला आहे.TMC

नेमके काय घडले?

वृत्तांनुसार, हावडा जिल्ह्यातील अमता परिसरात सरकारी गृहोपयोगी योजनांच्या लाभार्थ्यांकडून लाखो रुपयांची कथित वसुली केल्याचा आरोप संबंधित TMC कार्यकर्त्यावर करण्यात आला होता. या प्रकरणामुळे स्थानिकांमध्ये मोठा संताप निर्माण झाला. संतप्त नागरिक आणि विरोधी पक्षाचे कार्यकर्ते त्याला शोधत असताना तो एका सरकारी गोदामात जाऊन साड्यांच्या गठ्ठ्यांखाली लपल्याचे सांगितले जात आहे.TMC

इजरायल मध्ये उभे राहणार छत्रपती शिवाजी महाराजांचा पुतळा आणि स्मारक; महाराष्ट्र सरकारचे सहकार्य आणि मार्गदर्शन!!

TMC leader balded and paraded in ropes by locals at Nowda village pic.twitter.com/W71bsqqPcK

— Sudhanidhi Bandyopadhyay (@SudhanidhiB) June 7, 2026

पोलिसांनी शोधून काढले

पोलिसांनी आणि स्थानिक प्रशासनाने शोधमोहीम राबविल्यानंतर संबंधित व्यक्ती साड्यांच्या ढिगाऱ्याखाली लपलेला आढळल्याचा दावा करण्यात आला आहे. त्यानंतर त्याला ताब्यात घेण्यात आले. या घटनेचे फोटो आणि व्हिडिओ समोर आल्यानंतर पश्चिम बंगालच्या राजकारणात नव्या वादाला तोंड फुटले आहे.

‘कट मनी’ म्हणजे काय?

पश्चिम बंगालच्या राजकारणात ‘कट मनी’ हा अनेक वर्षांपासून चर्चेचा विषय राहिला आहे. सरकारी योजनांचा लाभ मिळवून देण्यासाठी लाभार्थ्यांकडून काही स्थानिक नेते किंवा कार्यकर्ते कमिशन घेत असल्याचे आरोप विरोधकांकडून वारंवार केले जातात. TMC ने यापूर्वी अशा आरोपांचे खंडन केले असले तरी अनेक प्रकरणांमुळे हा मुद्दा पुन्हा पुन्हा चर्चेत येत असतो.

A TMC leader faced public wrath in Dum Dum North, where he was stripped and beaten by a crowd. pic.twitter.com/BLg9xK92xL

— JIGNESH܁ᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠ (@jignesh03011976) June 6, 2026

TMC वर वाढता दबाव

2026 च्या विधानसभा निवडणुकीतील पराभवानंतर TMC आधीच अडचणीत सापडली आहे. अनेक नेत्यांवर विविध आरोप, अटकसत्र आणि पक्षातील अंतर्गत संघर्ष यामुळे पक्षावर दबाव वाढला आहे. अशा परिस्थितीत साड्यांच्या ढिगाऱ्याखाली लपलेल्या नेत्याची घटना विरोधकांसाठी नवा राजकीय मुद्दा बनली आहे.

विरोधकांचा हल्लाबोल

भाजप आणि इतर विरोधी पक्षांनी या घटनेवरून TMC वर जोरदार टीका केली आहे. भ्रष्टाचाराचे आरोप होताच संबंधित नेता पळ काढत असल्याचे विरोधकांचे म्हणणे आहे. दुसरीकडे, TMC कडून या प्रकरणाबाबत अधिकृत भूमिका स्पष्ट करण्यात आलेली नाही.

व्हिडिओमुळे देशभरात चर्चा

साड्यांच्या गठ्ठ्यांखाली लपलेल्या नेत्याचा व्हिडिओ सोशल मीडियावर वेगाने व्हायरल झाला असून, त्यावरून विविध प्रतिक्रिया उमटत आहेत. पश्चिम बंगालमधील राजकीय संघर्ष, कथित भ्रष्टाचार आणि निवडणुकीनंतरचे तणावपूर्ण वातावरण यामुळे ही घटना राष्ट्रीय पातळीवरही चर्चेचा विषय ठरली आहे.

टीएमसी नेत्यांविरोधात मागील 4 निषेध घटना…

५ जून: कोलकाताच्या सॉल्ट लेकमध्ये अटक करण्यात आलेले टीएमसी उपाध्यक्ष जय प्रकाश मजुमदार यांना पोलिसांनी एका फ्लॅटवर नेले असता, स्थानिक लोकांनी त्यांच्या विरोधात घोषणाबाजी केली आणि त्यांच्यावर अंडी फेकली.

५ जून: दमदममध्ये टीएमसी नगरसेवक शंकर दास यांना कथित मदत सामग्री घोटाळ्याच्या आरोपांवरून गर्दीने घेरले. त्यांना मारहाण केली आणि त्यांच्या घरावर हल्ला केला.

३ जून: कूचबिहारमध्ये टीएमसी नेते शाहिदुल मिया यांना गर्दीपासून वाचण्यासाठी पलंगाखाली लपावे लागले. पोलिसांनी त्यांना सुरक्षित बाहेर काढून पोलिस ठाण्यात नेले.

३० मे: सोनारपूर दक्षिणमध्ये टीएमसी खासदार अभिषेक बॅनर्जी यांच्यावर हल्ला झाला. लोकांनी त्यांच्यावर दगड, चप्पल आणि अंडी फेकली, त्यांचा शर्ट फाडला. अभिषेक यांना हेल्मेट घालून तेथून बाहेर काढण्यात आले.