Naresh Meena : राजस्थान : ‘एसडीएम’ चापट मारणाऱ्या आरोपी नरेश मीणाला अखेर अटक

By, Pravin Pawar - November 14, 2024 05:53:18

0

पोलिसांना चकमा देऊन फरार झाला होता

विशेष प्रतिनिधी

जयपूर : Naresh Meena राजस्थानमधील देवली उनियारा येथे पोटनिवडणुकीच्या मतदानादरम्यान अपक्ष उमेदवार नरेश मीणा यांनी एसडीएमला चापट मारली. यानंतर सामरावता गावात हिंसाचाराचे वातावरण निर्माण झाले. बुधवारी रात्रीपासून नरेश मीणाला पकडण्यासाठी पोलीस प्रयत्न करत होते, मात्र तो फरार झाला होता. यानंतर गुरुवारी दुपारी पोलिसांना मोठे यश मिळाले. आता आरोपी नरेश मीणाला अटक केली आहे.Naresh Meena

राजस्थानमधील टोंक जिल्ह्यातील देवली-उनियारा विधानसभा मतदारसंघातील पोटनिवडणुकीच्या मतदानादरम्यान रात्रभर मोठा गोंधळ सुरू होता. सामरावता गावात अपक्ष उमेदवार नरेश मीणा यांनी एसडीएमला थप्पड मारली, त्यानंतर एकच खळबळ उडाली. ग्रामस्थही संतप्त झाले आणि मतदानानंतर मतदान पार्ट्यांना जबरदस्तीने थांबवण्याचा प्रयत्न झाला.

Elon Musk : एलन मस्क आणि रामास्वामी यांचा ट्रम्प सरकारमध्ये समावेश; DoGE नवीन विभाग हाताळणार

पोलीस ग्रामस्थांना रोखण्यासाठी गेले असता दगडफेकीची परिस्थिती निर्माण झाली. प्रत्युत्तर देताना पोलिसांना अश्रुधुराच्या नळकांड्या सोडाव्या लागल्या. संतप्त लोकांनी तोडफोडही सुरू केल्याने सरकारी मालमत्तेचे मोठे नुकसान झाले. एसपी विकास सांगवान यांच्या गाडीचीही तोडफोड करण्यात आली.

नरेश मीणाला रात्री नऊ वाजता ताब्यात घेण्यात आले

प्रचंड गोंधळादरम्यान टोंक पोलिसांनी बुधवारी रात्री ९.०० वाजता नरेश मीणाला ताब्यात घेतले होते. ही बाब नेत्याच्या समर्थकांना समजताच पुन्हा गदारोळ झाला. नरेश मीणा पोलीस कोठडीत असताना शेकडो समर्थकांनी त्यांना घेराव घालून नरेश मीणा यांची सुटका केली. तेव्हापासून तो फरार होता.

यानंतर गुरुवारी सकाळी 9.30 वाजण्याच्या सुमारास नरेश मीणा याने अचानक सामरावता गावात पोहोचून पोलिसांवर विविध आरोप केले. यावेळी त्याने आपल्याला अटक करण्याची तयारी असल्याचे सांगितले. यानंतर गुरुवारी सकाळपासून पोलिस आरोपीच्या शोधात गावोगावी तपास करत होते आणि दुपारपर्यंत नरेश मीणाला अटक करण्यात आली.