Lahore Blasts : पाकिस्तानातील लाहोर शहरात एकापाठोपाठ चार भीषण स्फोट, ५ ठार, २० जण जखमी

By, Sachin Deshmukh - January 20, 2022 05:45:14

0

पाकिस्तानातील लाहोर शहरात एकापाठोपाठ एक चार भीषण स्फोट झाले, ज्यात पाच जणांचा मृत्यू झाला आहे. या स्फोटात 20 जण गंभीर जखमी झाले आहेत. शहरातील लाहोरी गेटजवळ हा स्फोट झाला.Lahore Blasts Four consecutive blasts in Lahore, Pakistan, 5 killed, 20 injured

वृत्तसंस्था

लाहोर : पाकिस्तानातील लाहोर शहरात एकापाठोपाठ एक चार भीषण स्फोट झाले, ज्यात पाच जणांचा मृत्यू झाला आहे. या स्फोटात 20 जण गंभीर जखमी झाले आहेत. शहरातील लाहोरी गेटजवळ हा स्फोट झाला.

स्फोट इतका जोरदार होता की घटनास्थळाच्या आजूबाजूच्या दुकानांच्या आणि इमारतींच्या खिडक्यांच्या काचा फुटल्या. त्याचबरोबर जवळ उभ्या असलेल्या मोटारसायकलींचेही नुकसान झाले आहे. सध्या पोलीस घटनास्थळी पोहोचले असून मदत आणि बचावकार्य सुरू आहे.

पाकिस्तानातील वैद्यकीय जागांची गरीब विद्यार्थ्यांना विक्री केल्याचा आरोप हुरियत कॉन्फरन्सने फेटाळला

लाहोरचे ऑपरेशन्सचे उपमहानिरीक्षक डॉ. मुहम्मद आबिद खान यांनी जिओ न्यूजला सांगितले की, तपास सध्या सुरुवातीच्या टप्प्यात आहे. मात्र स्फोटामागचे खरे कारण लवकरच कळेल. स्फोटामुळे जमिनीच्या आत दीड फूट खोल खड्डा तयार झाला होता. स्फोटात जखमी झालेल्यांना शहरातील मेयो रुग्णालयात दाखल करण्यात आले आहे. स्फोटासाठी घटनास्थळी आधीच बॉम्ब पेरण्यात आला होता, अशी माहिती पोलिसांनी जिओ न्यूजला दिली आहे. या लाहोरी गेट परिसरात दररोज मोठ्या संख्येने लोक खरेदी-विक्रीसाठी येतात.

स्फोटात जखमी झालेल्या तीन जणांची प्रकृती चिंताजनक असल्याचे मेयो रुग्णालयाच्या अधिकाऱ्यांनी सांगितले. सध्या डॉक्टर त्यांचे प्राण वाचवण्याचे प्रयत्न करत आहेत. त्याचबरोबर इतर जखमींवर उपचार सुरू आहेत. पोलीस आणि प्रशासनाने संपूर्ण परिसराची नाकेबंदी केली

असून घटनास्थळावरून पुरावे गोळा केले जात आहेत. हा आयईडी होता की टाईम बॉम्ब होता हे पोलिसांनी अद्याप सांगितलेले नाही. सोशल मीडियावर समोर आलेल्या व्हिडिओमध्ये अग्निशमन दलाचे जवान मदतकार्यात गुंतलेले दिसत आहे.