VIDEO : राजस्थानचे मुख्यमंत्री गेहलोत यांच्यासमोरच नागरिकांची ‘मोदी मोदी..’ नारेबाजी, अखेर... In front of Rajasthan Chief Minister Gehlot citizens chanted Modi Modi slogans

VIDEO : राजस्थानचे मुख्यमंत्री गेहलोत यांच्यासमोरच नागरिकांची ‘मोदी मोदी..’ नारेबाजी, अखेर…

या घटेेचा व्हिडीओ सध्या सोशल मीडियावर तुफान व्हायरल होत आहे.

विशेष प्रतिनिधी

भिलवाडा : राजस्थानचे मुख्यमंत्री अशोक गेहलोत यांच्या समोरच लोकांनी मोदी-मोदी घोषणाबाजी केल्याने मुख्यमंत्र्याची परिस्थिती अवघडल्या सारखी झाल्याची घटना समोर आली आहे. या विचित्र परिस्थितीत अडकलेले मुख्यमंत्री गेहलोत अखेर काहीही न बोलता हसत आपल्या वाहन ताफ्यासह तेथून निघून गेले. In front of Rajasthan Chief Minister Gehlot citizens chanted Modi Modi slogans

भिलवाडा नगरपरिषदेचे महाराणा प्रताप मिशन 2030 संदर्भात उद्योजकांशी संवाद साधण्यासाठी सभागृहात पोहोचले होते. या संवाद कार्यक्रमानंतर (६ सप्टेंबरला संध्याकाळी) मुख्यमंत्र्यांचा ताफा भिलवाडा सर्किट हाऊसकडे रवाना झाला. हा ताफा सरस्वती सर्कलवर पोहोचला. येथे तरुणांची संख्या चांगली होती. मुख्यमंत्र्यांनी गाडी थांबवली आणि अभिवादन स्वीकारण्याच्या उद्देशाने गाडीतून बाहेर पडले.

मुख्यमंत्र्यांच्या उपस्थितीने उपस्थित तरुणांना फारसा फरक पडला नाही आणि त्यांनी त्यांच्यासमोर देशाचे पंतप्रधान नरेंद्र मोदी यांच्या बाजूने घोषणाबाजी सुरू केली. मुख्यमंत्र्यांसह तेथे उपस्थित असलेले सुरक्षा कर्मचारीही आश्चर्यचकित झाले. कोणताही अनुचित प्रकार घडू नये म्हणून मुख्यमंत्र्यांच्या वाहनाला चारही बाजूंनी घेराव घालण्यात आला. अशा स्थितीत गेहलोतही हसले आणि हात जोडून गाडीत बसून पुढे रवाना झाले.

भीलवाड़ा में मुख्यमंत्री अशोक गहलोत जी का स्वागत जनता ने मोदी मोदी के नारों के साथ किया। pic.twitter.com/tegbZlJXK2

— Bhagirath Choudhary (@mpbhagirathbjp) September 7, 2023

दरम्यान या घटनेच्या व्हिडीओ सध्या सोशल मीडियावर तुफान व्हायरल होत आहे. राजस्थानमध्ये आगामी काळात विधानसभा निवडणूक आहे आणि जनतेमध्ये गेहलोत सरकारबाबत असलेली नाराजी आता हळूहळू दिसून येत आहे असे म्हणावे लागेल. सामान्य जनताच काय तर काँग्रेस आमदार, नेत्यांकडूनही गेहलोत सरकारला घरचा आहेर दिला जात आहे.