विधानसभा निवडणूक 2023: निवडणूक आयोगाने अभिनेता राजकुमार रावला बनवलं 'नॅशनल आयकॉन' Assembly Elections 2023 Election Commission Makes Actor Rajkumar Rao National Icon

विधानसभा निवडणूक 2023: निवडणूक आयोगाने अभिनेता राजकुमार रावला बनवलं ‘नॅशनल आयकॉन’

या अगोदर ऑगस्टमध्ये निवडणूक आयोगाने सचिन तेंडुलकरला आपला ‘नॅशनल आयकॉन’ बनवले होते.

विशेष प्रतिनिधी

नवी दिल्ली : भारतीय निवडणूक आयोगाने अभिनेता राजकुमार राव यास यावेळी आपला ‘नॅशनल आयकॉन’ बनवण्याचा निर्णय घेतला आहे. आयोग गुरुवारी (२६ ऑक्टोबर) राजकुमार रावची आयकॉन म्हणून नियुक्ती करेल. ‘नॅशनल आयकॉन’ लोकांना मतदानाबाबत जागरूक करतात. मतदानाचा टक्का वाढवण्याचा त्यांचा प्रयत्न असतो. Assembly Elections 2023 Election Commission Makes Actor Rajkumar Rao National Icon

अभिनेता राजकुमार रावने अनेक चित्रपटांमध्ये काम केले असून त्याचे अनेक चित्रपट हिट झाले असले तरी ‘न्यूटन’ हा चित्रपट आहे ज्याने त्याला वेगळी ओळख दिली. 2017 मध्ये प्रदर्शित झालेल्या या चित्रपटासाठी राजकुमार राव यास सर्वोत्कृष्ट अभिनेत्याचा राष्ट्रीय पुरस्कार मिळाला होता. या चित्रपटात राजकुमार राव नूतन कुमार नावाच्या सरकारी लिपिकाच्या भूमिकेत दिसला होता. नूतन कुमार हे एक लिपिक होते जे निष्पक्ष आणि मुक्त निवडणुका घेण्यासाठी वचनबद्ध होते. राजकुमार राव याने साकरलेल्या भूमिकेच्या पार्श्वभूमीवर त्यास ‘नॅशनल आयकॉन’ बनवून निवडणूक आयोगाला लोकांमध्ये मतदानासाठी उत्साह निर्माण करायचा आहे.

या अगोदर ऑगस्टमध्ये निवडणूक आयोगाने सचिन तेंडुलकरला आपला ‘नॅशनल आयकॉन’ बनवले होते. खरे तर भारतात पुढील वर्षी लोकसभेच्या निवडणुका होणार आहेत. अधिकाधिक लोकांनी मतदानात सहभागी व्हावे अशी निवडणूक आयोगाची इच्छा आहे. त्यांचा फोकस मुख्यतः तरुणांवर असतो, म्हणूनच त्यांनी यासाठी प्रथम सचिन आणि नंतर राजकुमार राव सारख्या सेलिब्रिटींची निवड केली आहे.