‘’चीनकडून निधी घेऊन पंतप्रधान मोदींविरोधात वातावरण तयार करण्यात आले’’ An atmosphere was created against Prime Minister Modi by taking funds from China BJP MP Nishikant Dubeys accusation on NEWS CLICK and Congress

‘’चीनकडून निधी घेऊन पंतप्रधान मोदींविरोधात वातावरण तयार करण्यात आले’’

संसदेत भाजपा खासदार निशिकांत दुबे यांचा ‘NEWS CLICK’ आणि काँग्रेसवर आरोप!

विशेष प्रतिनिधी

नवी दिल्ली : संसदेच्या पावसाळी अधिवेशनात लोकसभेत मीडिया पोर्टल न्यूज क्लिकचा मुद्दा उपस्थित झाला होता. न्यूज क्लिकला चीनकडून निधी मिळत असून हे पोर्टल देशविरोधी असल्याचा आरोप भाजपा खासदार निशिकांत दुबे यांनी केला आहे. ते म्हणाले की, ही वेबसाइट चीनकडून निधी घेऊन देशात सरकारविरोधात वातावरण निर्माण करते आहे. An atmosphere was created against Prime Minister Modi by taking funds from China BJP MP Nishikant Dubeys accusation on NEWS CLICK and Congress

निशिकांत दुबे यांनी या मुद्द्यावरून काँग्रेस पक्षावरही निशाणा साधला आणि त्यांच्या नेत्यांवर चीनच्या सहकार्याने देश आणि पंतप्रधान नरेंद्र मोदी यांच्याविरोधात वातावरण निर्माण केल्याचा आरोप केला. यादरम्यान संसदेत प्रचंड गदारोळ झाला आणि कामकाज तहकूब करावे लागले.

दुबे यांनी दावा केला आहे की, न्यूयॉर्क टाईम्सच्या एक बातमीत, अंमलबजावणी संचालनालयाच्या (ईडी) छाप्यांचा हवाला देऊन खुलासा केला गेला आहे की, भारताविरुद्ध वातावरण निर्माण करण्यासाठी न्यूज क्लिकला चीनकडून पैसे कसे मिळाले आणि तो पैसा नक्षलवादी आणि दहशतवाद्यांना कसा पोहोचवला गेला. त्याचवेळी काँग्रेसचे खासदार अधीर रंजन चौधरी यांनी हे वक्तव्य कारवाईतून काढून टाकण्याची मागणी केली आहे.

दुबे यांनी आरोप केला की, न्यूज क्लिक वेबसाइटचा प्रमुख ‘राष्ट्रविरोधी टुकडे टुकडे टोळी’चा सदस्य आहे. झारखंडमधील गोड्डा येथील खासदार निशिकांत दुबे यांनी आरोप केला, “जेव्हा भारतावर संकट आले… 2005 ते 2014 या काळात चीन सरकारने काँग्रेसला पैसे दिले. ज्यांचा FCRA परवाना भारत सरकारने रद्द केला होता.