महायुतीची खरी लढाई येत्या विधानसभा निवडणुकीत चार पक्षासोबत असणार - देवेंद्र फडणवीस|The real battle of the Mahayuti will be with four parties in the upcoming assembly elections Devendra Fadnavis

महायुतीची खरी लढाई येत्या विधानसभा निवडणुकीत चार पक्षासोबत असणार – देवेंद्र फडणवीस

महायुती सरकारचे पाऊल, क्रांतीकारी पर्वाची चाहूल ; कदम मिलाकर चलना होगा, असंही म्हणाले आहेत.

विशेष प्रतिनिधी

मुंबई : दादर येथे आयोजित महायुतीचा महामेळाव्यात शनिवारी उपस्थित राहून उपमुख्यमंत्री देवेंद्र फडणवीस यांनी संबोधित केले. यावेळी भारतीय जनसंघाचे संस्थापक नेते डॉ. श्यामाप्रसाद मुखर्जी यांच्या जयंतीदिनी त्यांच्या जीवनावर आधारित पुस्तिकेचे प्रकाशन करून त्यांच्या स्मृतींना अभिवादन केले.The real battle of the Mahayuti will be with four parties in the upcoming assembly elections Devendra Fadnavis

यावेळी उपमुख्यमंत्री देवेंद्र फडणवीस यांनी सांगितलं की, महायुतीची खरी लढाई येत्या विधानसभा निवडणुकीत केवळ मविआतील 3 पक्षांसोबत नसून ‘फेक नॅरेटिव्ह’ या चौथ्या पक्षासोबत आहे. राज्यातील एकही घटक विकासापासून वंचित राहू नये म्हणून महायुती सरकारकडून एकूण 24 योजनांच्या आधारे विकासाची गंगा पोहचवण्यात येत आहे. या योजनांची पुस्तिकाही सर्वसामान्य जनतेपर्यंत पोहचविणार आहोत.

उपमुख्यमंत्री देवेंद्र फडणवीस यांची मोठी घोषणा; गट ‘क’च्या रिक्त पदांची भरती MPSC मार्फत; पेपरफुटीचा कायदाही येणार

तसेच, आशासेविका, अंगणवाडीसेविका, पोलीस पाटील, ग्रामसेवक यांचे मानधन वाढवले आहे. तसेच शहरांमध्येही होणारी विकासकामे जनतेपर्यंत पोहचवणे ही पदाधिकारी आणि कार्यकर्त्यांची जबाबदारी आहे. ‘काम करणारे कोण आणि कोण बोलबच्चन भैरवी’ हे जनता येत्या काळात ठरवेल. असंही फडणवीस म्हणाले.

यावेळी मुख्यमंत्री एकनाथ शिंदे जी, केंद्रीय मंत्री पियुष गोयल जी, उपमुख्यमंत्री अजितदादा पवार, विधान परिषद उपसभापती निलमताई गोऱ्हे, खासदार नारायण राणे जी, मंत्री मंगलप्रभात लोढा जी, मंत्री उदय सामंत, मुंबई भाजपा अध्यक्ष ॲड. आशिष शेलार, भाजपाच्या राष्ट्रीय सचिव पंकजा मुंडे, पदाधिकारी आणि इतर मान्यवर उपस्थित होते.