Won't Tolerate Low-Level Criticism of Modi-Fadnavis: Bawankule Warns Congress Leader Sapkal मोदी-फडणवीसांवर खालच्या भाषेत टीका सहन करणार नाही; बावनकुळेंचा सपकाळांना इशारा

Bawankule : मोदी-फडणवीसांवर खालच्या भाषेत टीका सहन करणार नाही; बावनकुळेंचा सपकाळांना इशारा

विशेष प्रतिनिधी

मुंबई : Bawankule काँग्रेस प्रदेशाध्यक्ष हर्षवर्धन सपकाळ यांनी पंतप्रधान नरेंद्र मोदी आणि मुख्यमंत्री देवेंद्र फडणवीस यांच्यावर केलेल्या टीकेनंतर राज्यातील राजकारण पुन्हा तापले आहे. महसूल मंत्री चंद्रशेखर बावनकुळे यांनी सपकाळ यांच्यावर जोरदार पलटवार करत, “मोदी आणि फडणवीसांवर खालच्या पातळीवर टीका करणे महाराष्ट्राच्या संस्कृतीला शोभणारे नाही,” असा इशारा दिला.Bawankule

बावनकुळे म्हणाले की, विरोधकांकडे जनतेसमोर मांडण्यासारखे ठोस मुद्दे उरले नसल्यामुळे ते वैयक्तिक टीकेचा मार्ग स्वीकारत आहेत. महायुती सरकार राज्यात विकासकामे वेगाने पुढे नेत असताना काँग्रेसकडून केवळ वातावरण बिघडवण्याचा प्रयत्न सुरू असल्याचा आरोपही त्यांनी केला.Bawankule

महाराष्ट्रातल्या नदीजोड प्रकल्पांना मोदी सरकारची गती; जलजीवन मिशनच्या योजनेलाही नवसंजीवनी!!

नाशिकमधील कांदा आंदोलनाच्या पार्श्वभूमीवर हर्षवर्धन सपकाळ यांनी केंद्र आणि राज्य सरकारवर तीव्र टीका केली होती. त्यावर प्रतिक्रिया देताना बावनकुळे यांनी काँग्रेस नेत्यांनी आपली भाषा आणि राजकीय संस्कार सांभाळावेत, असे म्हटले. पंतप्रधान मोदी आणि मुख्यमंत्री फडणवीस यांच्याबद्दल जनतेमध्ये मोठा आदर असून अशा प्रकारची वक्तव्ये जनतेलाही मान्य नसल्याचे त्यांनी सांगितले.

दरम्यान, या वादामुळे राज्यातील सत्ताधारी आणि विरोधकांमधील आरोप-प्रत्यारोप आणखी तीव्र झाले आहेत. आगामी स्थानिक स्वराज्य संस्था निवडणुकांच्या पार्श्वभूमीवर महायुती आणि काँग्रेसमध्ये राजकीय संघर्ष अधिक वाढण्याची चिन्हे दिसत आहेत.