तिबेटवर चीनची श्वेतपत्रिका : दलाई लामांच्या उत्तराधिकाऱ्याला चिनी सरकारची मान्यता बंधनकारक

china issues white paper on tibet says dalai lama successor has to be approved by beijing

china issues white paper on tibet : चीनने शुक्रवारी सांगितले की, केवळ त्यांच्या मंजुरीवरच सध्याच्या दलाई लामांच्या एखाद्या वारसदाराला मान्यता दिली जाईल. तसेच दलाई लामा किंवा त्यांच्या अनुयायांनी निवडलेल्या कोणालाही मान्यता देण्यास नकार देण्यात आला आहे. चिनी सरकारने प्रसिद्ध केलेल्या अधिकृत श्वेतपत्रिकेत असा दावा केला आहे की, दलाई लामा व अन्य आध्यात्मिक बौद्ध नेत्यांना किंग राजवंशानंतर (1677-1911) केंद्र सरकारकडून मान्यता दिली जात आहे. china issues white paper on tibet says dalai lama successor has to be approved by Beijing


वृत्तसंस्था

बीजिंग : चीनने शुक्रवारी सांगितले की, केवळ त्यांच्या मंजुरीवरच सध्याच्या दलाई लामांच्या एखाद्या वारसदाराला मान्यता दिली जाईल. तसेच दलाई लामा किंवा त्यांच्या अनुयायांनी निवडलेल्या कोणालाही मान्यता देण्यास नकार देण्यात आला आहे. चिनी सरकारने प्रसिद्ध केलेल्या अधिकृत श्वेतपत्रिकेत असा दावा केला आहे की, दलाई लामा व अन्य आध्यात्मिक बौद्ध नेत्यांना किंग राजवंशानंतर (1677-1911) केंद्र सरकारकडून मान्यता दिली जात आहे.

कागदपत्रात असेही म्हटले आहे की, तिबेट हा प्राचीन काळापासून चीनचा अविभाज्य भाग आहे. त्यात म्हटले आहे की, “1793 मध्ये गोरखा आक्रमणकारी गेल्यानंतर किंग सरकारने तिबेटमधील सुव्यवस्था पुनर्संचयित केली आणि तिबेटमध्ये चांगल्या कारभारासाठी अध्यादेशास मान्यता दिली.”

कागदपत्रानुसार, अध्यादेशात म्हटले आहे की, दलाई लामा आणि अन्य बौद्ध धर्मगुरूंच्या अवतारासंदर्भात प्रक्रिया पाळली जाते आणि निवडलेल्या उमेदवारांची मान्यता चीनच्या केंद्र सरकारच्या अधीन आहे.

तिबेटमधील स्थानिकांच्या आंदोलनावरील चिनी कारवाईनंतर 14वे दलाई लामा भारतात आले होते. भारताने त्यांना राजकीय आश्रय दिला आणि वनवासातील तिबेटी सरकार तेव्हापासून हिमाचलच्या धर्मशाळेत आहे. दलाई लामा आता 85 वर्षांचे आहेत आणि त्यांच्या वाढत्या वयामुळे गेल्या काही वर्षांपासून त्यांच्या वारसदाराचा मुद्दा उपस्थित होऊ लागला आहे.

हा मुद्दा गेल्या काही वर्षांत चर्चेत आला होता, जेव्हा अमेरिकेने दलाई लामांचा उत्तराधिकारी ठरविण्याचा हक्क दलाई लामा आणि तिबेटच्या लोकांना मिळाला पाहिजे, असे जाहीर केले.

चीनच्या परराष्ट्र मंत्रालयाच्या अधिकाऱ्यांनी वारंवार सांगितले की, दलाई लामांच्या अवताराची परंपरा शेकडो वर्षांपासून अस्तित्वात आहे आणि चौदाव्या (विद्यमान) दलाई लामा यांना धार्मिक विधी आणि जुन्या परंपरा आणि चीनच्या केंद्र सरकारच्या अंतर्गतदेखील मान्यता मिळाली होती. श्वेतपत्रिकेत म्हटले आहे की, 2020 पर्यंत पुनर्जन्म घेणाऱ्या एकूण 92 बौद्धांची ओळख पटली आहे आणि तिबेटमधील मंदिरांमध्ये पारंपरिक धार्मिक विधीद्वारे त्यांना मान्यता देण्यात आली आहे.

china issues white paper on tibet says dalai lama successor has to be approved by Beijing

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    देशातील सर्वात स्वस्त इलेक्ट्रिक कार झाली लाँच : टाटा टियागो EV अवघ्या 8.49 लाखांपासून; एका चार्जवर 315 किमी वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती