वैद्यकशास्त्रातील क्रांतिकारक प्रयोग अमेरिकेत यशस्वी , डुकराच्या किडनीचे मनुष्यात प्रत्यारोपण

विशेष प्रतिनिधी

न्यूयॉर्क – अमेरिकेतील शल्यचिकित्सकांना जनुकीयरित्या विकसित केलेल्या डुकराच्या किडनीचे मनुष्यात यशस्वी प्रत्यारोपण करण्यात यश आले आहे. अशा प्रकारचा हा पहिलाच प्रयोग असून प्रत्यारोपण केलेली किडनी व्यवस्थित काम करत असल्याचेही आढळले.Pigs kidney puts in Human being

वैद्यकशास्त्रातील या क्रांतिकारक प्रयोगामुळे अनेक गंभीर रुग्णांना नवीन अवयव मिळण्याचा मार्ग मोकळा झाला आहे.न्यूयॉर्कमधील एनवाययू लॅंगोन प्रत्यारोपण केंद्रात अमेरिकेतील ही पहिलीच किडनी प्रत्यारोपण शस्त्रक्रिया करण्यात आली. व्हेंटिलेटरवर असलेल्या एका ब्रेन-डेड रुग्णावर केलेले हे अनोखे प्रत्यारोपण ‘मैलाचा दगड’ ठरले आहे.

मुलीने आईच्या उद्योगासाठी अमेरिकेतील नोकरी सोडली, हॅण्ड ब्लॉक प्रिंटिंगचा पारंपारिक व्यवसाय वाढवला

केंद्राचे संचालक डॉ. रॉबर्ट मॉन्टगोमेरी म्हणाले,की जनुकीयरित्या विकसित केलेल्या डुकरातील ही किडनी सामान्यत: मानवी शरीर नाकारणार नाही, अशा प्रकारची आहे. ब्रेन डेड रुग्णाच्या ओटीपोटाबाहेर पायाच्या वरील बाजूच्या रक्तवाहिनीला ही किडनी जोडण्यात आली. किडनीने तत्काळ मूत्रनिर्मिती व टाकाऊ पदार्थ तयार करण्यास सुरुवात केली.

किडनीचे थेट मानवी शरीराच्या आतमध्ये प्रत्यारोपण केलेले नाही. मात्र, किडनी शरीराच्या बाहेर काम करत असल्याने ती शरीरातही काम करू शकत असल्याचे संकेत आहेत. किडनी अपेक्षेपेक्षा चांगल्या पद्धतीने काम करत आहे. सौरऊर्जा व हवेप्रमाणे जनुकीयदृष्ट्या विकसित केलेली डुकरे अवयवांचा शाश्वत स्रोत्र ठरू शकतात.