महागाईचा परिणाम : 14 वर्षांनंतर वाढणारे आगपेटीचे दर, एका झटक्यात दुप्पट होणार किंमत


महागाईचा परिणाम सर्वत्र दिसून येतो. 14 वर्षांनंतर आगपेट्यांचे दरही वाढले आहेत. ज्या आगपेट्या पूर्वी 1 रुपयात उपलब्ध होत्या, त्या आता 2 रुपयांमध्ये मिळतील. मॅचमेकिंग कंपन्यांच्या प्रतिनिधींनी मिळून हा निर्णय घेतला आहे. याआधी 2007 मध्ये आगपेट्यांच्या दरात बदल झाला होता. त्यावेळी त्याची किंमत 50 पैशांनी वाढवून 1 रुपये करण्यात आली होती. नवीन किंमत 1 डिसेंबरपासून लागू होईल.Matchbox price after 14 years New rate from 1 december


प्रतिनिधी

नवी दिल्ली : महागाईचा परिणाम सर्वत्र दिसून येतो. 14 वर्षांनंतर आगपेट्यांचे दरही वाढले आहेत. ज्या आगपेट्या पूर्वी 1 रुपयात उपलब्ध होत्या, त्या आता 2 रुपयांमध्ये मिळतील. मॅचमेकिंग कंपन्यांच्या प्रतिनिधींनी मिळून हा निर्णय घेतला आहे. याआधी 2007 मध्ये आगपेट्यांच्या दरात बदल झाला होता. त्यावेळी त्याची किंमत 50 पैशांनी वाढवून 1 रुपये करण्यात आली होती. नवीन किंमत 1 डिसेंबरपासून लागू होईल.

आगपेट्यांचे दर वाढवण्याचा निर्णय ऑल इंडिया चेंबर ऑफ मॅचेसने घेतला आहे. अलीकडच्या काळात कच्च्या मालाचे दर वाढल्यामुळे मॅचेसच्या किमती वाढवण्याचा निर्णय घेण्यात आल्याचे उद्योग क्षेत्रातील लोकांचे म्हणणे आहे. मॅन्युफॅक्चरर्स म्हणतात की, मॅच बनवण्यासाठी 14 वेगवेगळ्या प्रकारच्या कच्च्या मालाची गरज असते. यातील अनेक घटक असे आहेत की, त्यांची किंमत दुप्पट झाली आहे.



दुप्पट झाली किंमत

लाल फॉस्फरसचा दर 425 रुपयांवरून 810 रुपयांवर पोहोचला आहे. मेणाचा भाव 58 रुपयांवरून 80 रुपयांपर्यंत वाढला आहे. आऊटर बॉक्स बोर्डची किंमत 36 रुपयांवरून 55 रुपये झाली आहे. इनर बॉक्स बोर्डची किंमत 32 रुपयांवरून 58 रुपये झाली आहे.

याशिवाय कागद, स्प्लिंट, पोटॅशियम क्लोरेट, सल्फर यासारख्या पदार्थांच्या किमतीतही ऑक्टोबरच्या दुसऱ्या आठवड्यात वाढ झाली आहे. या सर्व कारणांमुळे दरवाढ करण्याचा निर्णय घेण्यात आला आहे.

प्रति बंडल दरात 60 टक्के वाढ

नॅशनल स्मॉल मॅचबॉक्स मॅन्युफॅक्चरर्स असोसिएशनचे सचिव व्हीएस सेथुराथिनम यांनी ‘टाइम्स ऑफ इंडिया’शी बोलताना सांगितले की, उत्पादक सध्या 270-300 रुपयांना 600 मॅचबॉक्सचे बंडल विकत आहेत. प्रत्येक आगपेटीत 50 काड्या असतात.

आम्ही किंमत 60 टक्क्यांनी वाढवण्याचा निर्णय घेतला आहे. आता आम्ही 430-480 रुपये प्रति बंडल दराने आगपेट्या विकू. यामध्ये 12 टक्के जीएसटी आणि वाहतूक खर्च वेगळा आहे.

Matchbox price doubles after 14 years New rate from 1 december

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    भारतात आता एक देश एक चार्जर जलयुक्त शिवार योजना पुन्हा चालू होणार; शिंदे – फडणवीस सरकारचा महत्त्वाचा निर्णय देशातील सर्वात स्वस्त इलेक्ट्रिक कार झाली लाँच : टाटा टियागो EV अवघ्या 8.49 लाखांपासून; एका चार्जवर 315 किमी