मुस्लिम लॉ पर्सनल बोर्डाचा तालिबानला पाठिंबा तर समाजवादी पक्षाच्या खासदाराकडून गुणगान । Muslim personal law board backs Taliban

मुस्लिम लॉ पर्सनल बोर्डाचा तालिबानला पाठिंबा तर समाजवादी पक्षाच्या खासदाराकडून गुणगान

विशेष प्रतिनिधी

नवी दिल्ली : अफगाणिस्तानात बंदुकीच्या बळावर सत्ता काबीज करणाऱ्या कट्टरपंथी तालिबानी दहशतवाद्यांना अखिल भारतीय मुस्लिम लॉ पर्सनल बोर्ड या भारतीय मुस्लिम समाजाच्या सर्वोच्च संस्थेने पाठिंबा दिला आहे. ‘तालिबानला भारतीय मुसलमानांचा सलाम’, अशा शब्दांत लॉ बोर्डाचे प्रवक्ते सज्जाद नोमानी यांनी तालिबानचे स्वागत केले. Muslim personal law board backs Taliban

दरम्यान, तालिबानच्या रक्तपात हिंसाचाराची तुलना भारतीय स्वातंत्र्यलढ्याशी करणारे समाजवादी पक्षाचे खासदार शफीकुर रहमान बर्क यांच्यावर पोलिस ठाण्यात राष्ट्रद्रोहाच्या कलमाखाली गुन्हा दाखल झाला आहे.

अफगाणिस्तानमध्ये मुल्ला बरादर दाखल; तालिबान तब्बल २० वर्षांनंतर सत्तेवर येणार

मुस्लिम पर्सनल बोर्डाने तालिबानला केवळ पाठिंबाच दिलेला नाही तर त्यांचे गुणगानही केले आहे. दरम्यान, सपाचे संभलचे खासदार बर्क यांनी आता तालिबानला उघड पाठिंबा दिला आहे. त्यामुळे भाजप नेत्यांनी त्यांच्यावर देशद्रोहाच्या आरोपाखाली गुन्हा दाखल केला. त्यानंतर संध्याकाळी बर्क यांनी खुलासा करून, आपल्या विधानांचा चुकीचा अर्थ काढला गेला. आपला तालिबानशी काय संबंध, अशी कोलांटउडी मारली.