रुपेरी पडद्यावर इतिहास घडविणाऱ्या ज्येष्ठ कन्नड अभिनेत्री जयंती यांचे निधन। Veteran Kannada actress Jayanti, who made history on the silver screen, has passed away

रुपेरी पडद्यावर इतिहास घडविणाऱ्या ज्येष्ठ कन्नड अभिनेत्री जयंती यांचे निधन

विशेष प्रतिनिधी

बंगळूर : ज्येष्ठ कन्नड अभिनेत्री अभिनया शरदे जयंती ऊर्फ जयंती (वय ७६) यांचे वृद्धापकाळामुळे निधन झाले. कन्नड, तेलुगू व तमीळ भाषेतील चित्रपटात त्यांनी काम केले होते. जयंती या ‘लाल लाल बंगला’ व ‘तुमसे अच्छा कौन है’ या हिंदी चित्रपटांमध्ये झळकल्या. आंध्र प्रदेशचे दिवंगत मुख्यमंत्री एन.टी. रामाराव यांच्याबरोबरील त्यांचे अनेक चित्रपट गाजले. Veteran Kannada actress Jayanti, who made history on the silver screen, has passed away

कर्नाटकातील सर्व शाळांना कन्नड विषयाची सक्ती कायम सरकारचे स्पष्टीकरण

पाच दशकांच्या दीर्घ कारकिर्दीत जयंती यांनी ५०० पेक्षा जास्त चित्रपटांमध्ये काम केले. १९६० ते ८० च्या काळात कन्नड चित्रपटसृष्टीतील त्या प्रमुख अभिनेत्रींपैकी एक होत्या. बल्लारी येथे १९४५मध्‍ये जन्मलेल्या जयंती यांनी १९६३मध्ये वाय. आर स्वामी यांच्या ‘जेनू गुडू’ या चित्रपटांतून पदार्पण केले. या चित्रपटाला चांगले यश मिळाले. त्यानंतर त्यांचा ‘चंदावल्लीया थोटा’ हा चित्रपट अत्यंत लोकप्रिय ठरला. डॉ. राजकुमार यांच्‍याबरोबर त्यांची जोडी पडद्यावर गाजली. तब्बल ३० चित्रपटांमध्ये त्यांनी एकत्र काम केले. कन्नड राज्य चित्रपट पुरस्काराच्या त्या सातवेळा मानकरी ठरल्या होत्या.