Pakistan Bus पाकिस्तानात बस दरीत कोसळली; खैबर पख्तूनख्वामध्ये 40 प्रवाशांचा मृत्यू, क्वेट्टाहून इस्लामाबादकडे जात होती

Pakistan Bus : पाकिस्तानात बस दरीत कोसळली; खैबर पख्तूनख्वामध्ये 40 प्रवाशांचा मृत्यू, क्वेट्टाहून इस्लामाबादकडे जात होती

वृत्तसंस्था

इस्लामाबाद : Pakistan Bus पाकिस्तानच्या नैऋत्येकडील बलुचिस्तान प्रांतात शुक्रवारी पहाटे एका भीषण रस्ते अपघातात किमान 40 लोकांचा मृत्यू झाला. क्वेट्टाहून पेशावरकडे जाणारी एक प्रवासी बस बलुचिस्तान आणि खैबर पख्तूनख्वाच्या सीमेवर असलेल्या दाना सर परिसरात अनियंत्रित होऊन खोल खडकाळ दरीत कोसळली. या अपघातात इतर आठ जण जखमी झाले आहेत.Pakistan Bus

बलुचिस्तान सरकारचे प्रवक्ते शाहिद रिंद यांनी सांगितले की, बस डोंगराळ महामार्गावरून जात होती, तेव्हा चालकाने वाहनावरील नियंत्रण गमावले आणि बस खोल दरीत कोसळली. दुर्गम डोंगराळ भागात अपघात झाल्यामुळे मदत आणि बचाव कार्य आव्हानात्मक ठरले.Pakistan Bus

महाराष्ट्रात ब्लॉकचेन – एआयच्या मदतीने जात पडताळणी; आदिवासी विकासाला नवी गती!!

जखमींना जवळच्या रुग्णालयात दाखल करण्यात आले आहे, जिथे त्यांच्यावर उपचार सुरू आहेत.

वृत्तसंस्था एपीनुसार, बस भरधाव वेगात होती आणि त्यात क्षमतेपेक्षा जास्त प्रवासी होते. तर रॉयटर्सने बचाव संस्थेच्या हवाल्याने सांगितले की, बस क्वेट्टाहून इस्लामाबादकडे जात होती. त्यात 48 प्रवासी होते.

प्राथमिक माहितीनुसार, भरधाव वेग, ओव्हरलोडिंग आणि डोंगराळ मार्गावर नियंत्रण गमावणे ही अपघाताची संभाव्य कारणे मानली जात आहेत.