डोनाल्ड ट्रम्प यांचे असीम मुनीर बरोबर diplomatic lunch, म्हणून मोदींनी नाकारले ट्रम्पचे निमंत्रण!!

By, Pravin Wankhade - June 18, 2025 01:30:37

0

नाशिक : सौ सोनार की, एक लोहार की या कहावतीचा प्रत्यय पंतप्रधान नरेंद्र मोदींनी कॅनडा दौऱ्यात आणून दिला. अमेरिकेचे अध्यक्ष डोनाल्ड ट्रम्प यांनी भारत आणि पाकिस्तान यांच्यात 13 वेळा लुडबुड करायचा केलेला प्रयत्न पंतप्रधान मोदींनी एका झटक्यात उधळून लावला. मोदींनी डोनाल्ड ट्रम्प यांचा त्या पलीकडचा एक महत्त्वाचा diplomatic lunch चा‌ “डाव” देखील मोडून काढला.

डोनाल्ड ट्रम्प यांनी पाकिस्तानचा स्वयंघोषित फिल्ड मार्शल असीम मुनीर याला diplomatic lunch साठी व्हाईट हाऊसमध्ये निमंत्रण दिले. त्याचवेळी पंतप्रधान नरेंद्र मोदींना अमेरिकेत यायचे निमंत्रण देऊन त्यांना पण परस्पर या diplomatic lunch मध्ये सहभागी करवून घ्यायचा ट्रम्प यांचा “डाव” होता. पण मोदींनी तो वेळीच ओळखून उधळून लावला. Operation sindoor च्या लढाईत पराभूत झालेल्या पाकिस्तानी लष्करप्रमुखाला अमेरिकेच्या अध्यक्षांनी “बरोबरीचा” समजून “मान” दिला, तरी भारत त्याला “बरोबरीचा” समजत नाही, हे मोदींनी ट्रम्प यांचे निमंत्रण नाकारून दाखवून दिले.

प्रधानमंत्री धरती आबा योजनेतून महाराष्ट्रात आदिवासींना प्रातिनिधीक स्वरुपात वनपट्टे वाटप!!

वास्तविक G7 च्या बैठकीच्या निमित्ताने पंतप्रधान नरेंद्र मोदी आणि डोनाल्ड ट्रम्प यांची भेट अपेक्षित होती. पण मोदी कॅनडात पोहोचण्यापूर्वीच ट्रम्प कॅनडा सोडून अमेरिकेत निघून गेले. त्यामुळे दोघांची भेट टळली. पण G7 ची बैठक संपल्यानंतर डोनाल्ड ट्रम्प यांनी पंतप्रधान नरेंद्र मोदींनी फोन केला. दोघांमध्ये 35 मिनिटे चर्चा झाली. यावेळी ट्रम्प यांनी मोदींना कॅनडा दौरा संपल्यावर लगेच अमेरिकेत यायचे निमंत्रण दिले. पण मोदींनी क्रोएशिया दौऱ्याच्या नियोजनाचे कारण सांगून ट्रम्प यांचे निमंत्रण नाकारले. पण ट्रम्प यांना भारतात होणार असलेल्या QUAD राष्ट्रप्रमुखांच्या बैठकीचे निमंत्रण दिले. ते ट्रम्प यांनी आनंदाने स्वीकारले. पण मोदी कॅनडातून अमेरिकेला न जाता थेट क्रोएशिया मध्ये दाखल झाले.

*फोनवर मोदींनी ट्रम्प यांना स्पष्ट शब्दांत सुनावले. भारत आणि पाकिस्तान यांच्यातल्या संघर्षात कधीच भारत आणि अमेरिका यांच्यात व्यापार विषयक चर्चा झाली नाही. शस्त्रसंधीसाठी भारताने अमेरिकेची मध्यस्थी स्वीकारली नाही. ती कधी स्वीकारणार नाही. Operation sindoor चा पहिला टप्पा यशस्वी झाला. पाकिस्तानने विनंती केली म्हणून भारताने सैनिकी पातळीवर चर्चा करून सैनिकी कारवाई थांबवली.‌ त्यामुळे डोनाल्ड ट्रम्प यांनी भारत आणि पाकिस्तान यांच्यातल्या शस्त्रसंधीचे क्रेडिट 13 वेळा घेऊन देखील काही फायदा झाला नाही. मोदींनी ते “क्रेडिट” एका झटक्यात काढून घेतले.

– diplomatic lunch चा डाव उधळून लावला

पण त्यानंतर डोनाल्ड ट्रम्प पाकिस्तानी स्वयंघोषित फिल्ड मार्शल असीम मुनीर यांच्यासोबत व्हाईट हाऊसमध्ये जेवले. या diplomatic lunch मध्ये पंतप्रधान नरेंद्र मोदींना परस्पर सहभागी करवून घ्यायचा ट्रम्प यांचा “डाव” होता.‌ आपण एकाच वेळी पाकिस्तानच्या फिल्ड मार्शल बरोबर आणि भारताच्या पंतप्रधानाबरोबर जेवतो असे ट्रम्प यांना सगळ्या जगाला दाखवून द्यायचे होते. म्हणूनच त्यांनी मोदींना कॅनडा दौरा संपल्याबरोबर अमेरिकेत यायचे निमंत्रण दिले होते. पण मोदींनी यातला “डाव” बरोबर ओळखून ट्रम्प यांचे निमंत्रण नाकारले आणि ते क्रोएशियाला निघून गेले.