BBC India : ED ने बीबीसी इंडियावर ₹3.44 कोटींचा दंड ठोठावला; FDI नियमांचे उल्लंघन केल्याचा आरोप

By, Pravin Wankhade - February 22, 2025 10:30:21

0

वृत्तसंस्था

नवी दिल्ली : BBC India अंमलबजावणी संचालनालयाने (ED) बीबीसी वर्ल्ड सर्व्हिस इंडियावर थेट परकीय गुंतवणूक (FDI) नियमांचे उल्लंघन केल्याबद्दल ₹3.44 कोटींचा दंड ठोठावला आहे. याव्यतिरिक्त, कंपनीच्या तीन संचालकांवरही कारवाई केली असून, त्यांच्यावर 1.14 कोटी रुपयांहून अधिक दंड ठोठावण्यात आला आहे. हा आदेश भारतीय परकीय चलन व्यवस्थापन कायदा (FEMA) अंतर्गत दिला गेला आहे.BBC India

FDI नियमांचे उल्लंघन

ईडीच्या तपासानुसार, बीबीसी वर्ल्ड सर्व्हिस इंडिया ही 100% एफडीआय कंपनी आहे, ज्यामुळे ती 2019 मध्ये जारी केलेल्या सरकारी आदेशाच्या विरोधात आहे. त्या आदेशानुसार, डिजिटल मीडिया क्षेत्रात FDI ची मर्यादा 26% ठेवण्यात आली होती, पण बीबीसीने याला दुर्लक्षित करून 100% FDI राखला आहे.

पंतप्रधानांच्या सौहार्दाने जिंकली मने, शरद पवारांना मदत केली, पाण्याचा ग्लासही दिला भरून

दंड आणि अन्य कारवाई

बीबीसी वर्ल्ड सर्व्हिस इंडिया आणि तिच्या तीन संचालकांवर एकूण ₹3,44,48,850 रुपये दंड ठोठावण्यात आला आहे. त्यात 15 ऑक्टोबर 2021 नंतर एफडीआय नियमांचे उल्लंघन केल्याबद्दल दररोज ₹5,000 दंड देखील आकारण्यात आला आहे.

यापूर्वी आयकर विभागाचाही छापा

फेब्रुवारी 2023 मध्ये आयकर विभागाने बीबीसीच्या मुंबई आणि दिल्ली कार्यालयांवर छापे टाकले होते. आयकर विभागाच्या सूत्रांनी दिलेल्या माहितीनुसार, बीबीसीवर आंतरराष्ट्रीय करचुकवेगिरीचा आरोप करण्यात आला होता. यावर बीबीसीने ट्विट करून छाप्याची माहिती दिली होती. काँग्रेसने याला अघोषित आणीबाणी मानले, तर भाजपने 1970 मध्ये इंदिरा गांधींनी बीबीसीवर एक माहितीपटावरून बंदी घातल्याची आठवण करून दिली.

कर्मचाऱ्यांची उपकरणे जप्त

आयकर विभागाच्या पथकाने बीबीसीच्या दिल्ली आणि मुंबई येथील कार्यालयांवर कारवाई करत कर्मचाऱ्यांचे मोबाईल फोन, लॅपटॉप आणि डेस्कटॉप जप्त केले. कारवाई दरम्यान कर्मचार्यांचे फोन बंद करण्यात आले आणि सर्व कर्मचाऱ्यांना बैठकीच्या खोलीत बसण्यास सांगण्यात आले.

BBCचा इतिहास

ब्रिटिश ब्रॉडकास्टिंग कॉर्पोरेशन (BBC) वर्ल्ड सर्व्हिस टेलिव्हिजन हे एक ब्रिटिश सरकारी एजन्सी आहे, जे 40 भाषांमध्ये बातम्या प्रसारित करते. ब्रिटिश संसद अनुदानाद्वारे बीबीसीसाठी निधी उपलब्ध करते. 1927 मध्ये रॉयल चार्टर अंतर्गत बीबीसीची स्थापना झाली होती. बीबीसी वर्ल्ड सर्व्हिस इंडियावर सध्या सुरू असलेली कारवाई हे एक मोठे मुद्दा बनले असून, यामुळे अनेक राजकीय आणि आर्थिक चर्चांमध्ये तीव्रता आली आहे.