Sheikh Hasina : पंतप्रधानपदावरून पायउतार झाल्यानंतरही शेख हसीना यांच्या अडचणीत वाढ

By, Pravin Wankhade - August 15, 2024 09:30:35

0

Sheikh Hasina against case has been filed

आंतरराष्ट्रीय फौजदारी न्यायालयात नरसंहाराचा गुन्हा दाखल Sheikh Hasina

विशेष प्रतिनिधी

ढाका : बांगलादेशच्या माजी पंतप्रधान शेख हसीना Sheikh Hasina यांच्या अडचणीत आणखी वाढ होणार आहे. शेख हसीना आणि इतर अनेकांविरुद्ध बुधवारी आंतरराष्ट्रीय गुन्हेगारी न्यायाधिकरणासमोर तक्रार दाखल करण्यात आली असून, त्यांच्या सरकारच्या विरोधात विद्यार्थ्यांच्या मोठ्या निदर्शनांदरम्यान त्यांच्यावर नरसंहार आणि मानवतेविरुद्ध गुन्हे केल्याचा आरोप करण्यात आला आहे.

आंतरराष्ट्रीय गुन्हेगारी न्यायाधिकरणाच्या (आयसीटी) तपास संस्थेच्या अधिकाऱ्याने सांगितले की, “निदर्शनादरम्यान पोलिसांनी केलेल्या गोळीबारात मृत्यू झालेल्या विद्यार्थ्यांपैकी एकाच्या वडिलांनी ही तक्रार दाखल केली आहे.’

Ladki Bahin Yojana : मोजक्याच लाडक्या बहिणींच्या खात्यांत पैसे जमा, पण ही तर ट्रायल; मुख्यमंत्र्यांचा खुलासा!!

5 ऑगस्ट रोजी झालेल्या आंदोलनादरम्यान पोलिसांनी गोळी लागल्याने मरण पावलेला इयत्ता 9वीचा विद्यार्थी आरिफ अहमद सयाम याचे वडील बुलबुल कबीर यांच्या वतीने सर्वोच्च न्यायालयाच्या वकिलाने ही तक्रार दाखल केली. ‘द डेली स्टार’ या दैनिकाने तपास संस्थेचे उपसंचालक अताउर रहमान यांचा हवाला देत आपल्या वृत्तात म्हटले आहे की, “आम्ही तक्रार नोंदवली असून या प्रकरणाची चौकशी सुरू झाली आहे.”

“तपास पूर्ण झाल्यावर, आम्ही पुढील कार्यवाहीसाठी ट्रिब्युनलच्या मुख्य अभियोक्ता कार्यालयाकडे अहवाल सादर करू,” राज्य वृत्तसंस्था BSS च्या म्हणण्यानुसार, तक्रारीत हसीना आणि इतर अनेकांवर “नरसंहार आणि मानवतेविरुद्ध गुन्हे” दाखल करण्यात आले आहेत.

1 जुलै ते 5 ऑगस्ट दरम्यान झालेल्या हत्येचा खटला आंतरराष्ट्रीय गुन्हेगारी न्यायाधिकरणाद्वारे चालवला जाईल, असे अंतरिम सरकारने सांगितल्यानंतर ही तक्रार दाखल करण्यात आली. तक्रारीत, 76 वर्षीय हसीना आणि इतरांवर 15 जुलै ते 5 ऑगस्ट दरम्यान सामूहिक हत्या केल्याचा आरोप आहे.