Women Reservation Bill : स्मृती इराणींनी दिले सोनिया गांधींना प्रत्युत्तर; म्हणाल्या, ”काही लोक…”

By, Sachin Sutar - September 20, 2023 08:30:18

0

सत्ताधारी पक्षाबरोबरच विरोधी पक्षांनीही हे विधेयक आपले असल्याचा दावा केला आहे.

विशेष प्रतिनिधी

नवी दिल्ली : केंद्रातील मोदी सरकारने नवीन संसद भवनात महिला आरक्षण विधेयक (नारी शक्ती वंदन कायदा) मांडला आहे. लोकसभेत आज महिला आरक्षण विधेयकावर चर्चा झाली. सत्ताधारी पक्षाबरोबरच विरोधी पक्षांनीही हे विधेयक आपले असल्याचा दावा केला. दोन्ही बाजूंनी त्यांचे मत व्यक्त केले गेले. दरम्यान केंद्रीय महिला आणि बालविकास मंत्री स्मृती इराणी यांनी नारी शक्ती वंदन कायद्यावर लोकसभेत काँग्रेस नेत्या सोनिया गांधी यांना प्रत्युत्तर दिले आहे. Women Reservation Bill Smriti Irani replied to Sonia Gandhi

महिला आरक्षण विधेयकावर केंद्रीय महिला आणि बालविकास मंत्री स्मृती इराणी म्हणाल्या, जेव्हा हे विधेयक आणले तेव्हा काही लोक म्हणाले की हे आमचे विधेयक आहे. प्रस्तावित विधेयकाच्या एका लेखात, यूपीएच्या अध्यक्षा सोनिया गांधी म्हणाल्या होत्या, “तिसऱ्या सार्वत्रिक निवडणुकीत एससी/एसटी महिलांसाठी कोणतीही जागा राखीव ठेवली जाणार नाही, परंतु या सरकारद्वारे आणले गेलेले विधेयक लागू झाल्यापासून १५ वर्षानंतर पर्यंत महिलांना आरक्षणची हमी देते.

महिला आरक्षण विधेयकावर केंद्रीयमंत्री स्मृती इराणी लोकसभेत म्हणाल्या की, आम्ही महिलांना त्यांचाही विचार केला जावे इतपत सक्षम बनवले आहे आणि आता तुम्ही पुढे येण्याची वेळ आली आहे, केवळ कागदोपत्री किंवा भाषणापुरते मर्यादित न राहता कृतीने बोला. नारी शक्ती वंदन कायद्याचे समर्थन करा.

जाणून घ्या सोनिया गांधी काय म्हणाल्या? –

महिला आरक्षण विधेयकावर काँग्रेस संसदीय पक्षाच्या प्रमुख सोनिया गांधी म्हणाल्या की, हा माझ्या आयुष्यातील भावनिक क्षण आहे. स्थानिक स्वराज्य संस्थांच्या निवडणुकांमध्ये महिलांचे प्रतिनिधित्व निश्चित करण्यासाठी प्रथमच घटनादुरुस्ती राजीव गांधी यांनी आणली होती, परंतु राज्यसभेत 7 मतांमुळे विधेयक मंजूर होऊ शकले नाही. यानंतर पीव्ही नरसिंह राव यांच्या नेतृत्वाखालील काँग्रेस सरकारने ते राज्यसभेत मंजूर केले. देशभरात स्थानिक स्वराज्य संस्थांच्या निवडणुकांद्वारे आमच्याकडे 15 लाख महिला नेत्या निवडून आल्या आहेत. राजीव गांधींचे स्वप्न अजूनही अर्धवट राहिले आहे. हे विधेयक मंजूर झाल्यानंतर त्यांचे स्वप्न पूर्ण होणार आहे.