Indian Stock Market : भारतीय शेअर बाजार नवनवीन विक्रम प्रस्थापित करत आहे. भारतीय बाजारपेठेतील परदेशी गुंतवणूकदारांचा वाढता आत्मविश्वास हे यामागील मोठे कारण आहे. या तेजीच्या दरम्यान, काही दिवसांपूर्वी भारतीय शेअर बाजाराने फ्रेंच शेअर बाजाराला मागे टाकत जगातील सहावा मोठा शेअर बाजार बनण्याचा बहुमान पटकावला. Big News Indian Stock Market will become 5th largest in world With 5 trillion dollar value by 2024
विशेष प्रतिनिधी
मुंबई : भारतीय शेअर बाजार नवनवीन विक्रम प्रस्थापित करत आहे. भारतीय बाजारपेठेतील परदेशी गुंतवणूकदारांचा वाढता आत्मविश्वास हे यामागील मोठे कारण आहे. या तेजीच्या दरम्यान, काही दिवसांपूर्वी भारतीय शेअर बाजाराने फ्रेंच शेअर बाजाराला मागे टाकत जगातील सहावा मोठा शेअर बाजार बनण्याचा बहुमान पटकावला.
भारताचे स्टॉक मार्केट आता टॉप -5 मार्केटमध्ये सामील होण्याची शक्यता वर्तवली जात आहे. जगातील सर्वात मोठे ब्रोकरेज हाऊस गोल्डमन सॅक्सने भारतीय शेअर बाजारासंदर्भात एक नवीन अहवाल प्रसिद्ध केला आहे. यानुसार, पुढील तीन वर्षांत भारतीय शेअर बाजाराचा आकार $ 5 ट्रिलियन (सुमारे 5 ट्रिलियन अमेरिकन डॉलर्स) चा टप्पा पार करणार आहे आणि जगातील पाचवा सर्वात मोठा शेअर बाजार बनेल. सध्या त्याचे मूल्य 3.5 ट्रिलियन अमेरिकन डॉलर्स आहे.
गोल्डमन सॅक्सच्या अहवालानुसार, भारतीय स्टार्टअप्स झपाट्याने वाढत आहेत. येत्या काळात त्यांचा आकार खूप मोठा होईल. आतापर्यंत 2021 मध्ये भारतीय स्टार्टअप्सने आयपीओद्वारे 10 अब्ज डॉलर्स म्हणजेच 75 हजार कोटींपेक्षा जास्त निधी उभारला आहे.
असे मानले जाते की, पुढील दोन वर्षे आयपीओ बाजार असेच गरम राहील. येत्या 36 महिन्यांत किमान 150 कंपन्या बाजारात सूचीबद्ध होण्याची शक्यता आहे.
या कंपन्यांचे एकूण मार्केट कॅप $ 400 अब्ज च्या जवळ असेल. साहजिकच यामुळे बीएसईच्या एकूण मार्केट कॅपमध्ये मोठी वाढ होईल.
सध्या, भारतीय शेअर बाजाराचे एकूण मूल्य $ 3.5 ट्रिलियन आहे. पुढील तीन वर्षांत 150 कंपन्या सूचीबद्ध झाल्यानंतर, एकूण मार्केट कॅप 2024 पर्यंत $ 5 ट्रिलियनपर्यंत वाढेल. यूके सध्या पाचव्या क्रमांकावर आहे. ज्याचे मार्केट कॅप भारताच्या $ 3.6 ट्रिलियनपेक्षा थोडे अधिक आहे.
स्टार्टअप्स आयपीओबद्दल बोलायचे तर, यावर्षी सर्वात मोठे नाव झोमॅटोचे आहे. या IPO ला आश्चर्यकारक यश मिळाले. आगामी काळात पेटीएम, ओयो, ओला, फ्लिपकार्टसारख्या कंपन्यांच्या आयपीओची तयारी सुरू आहे.
येत्या काळात ई-कॉमर्स, इंटरनेट, इंटरनेट रिटेल आणि मीडिया व्यवसायात तेजी येईल असे या अहवालात म्हटले आहे. सध्या देशात 80 कोटी इंटरनेट युजर्स आहेत आणि 50 कोटींहून अधिक स्मार्टफोन वापरकर्ते आहेत. आगामी काळात स्मार्टफोन वापरणाऱ्यांची संख्या खूप वेगाने वाढेल, ज्यामुळे इंटरनेट वापरकर्त्यांची संख्याही वाढेल. याशिवाय, भारतात इंटरनेटदेखील खूप स्वस्त आहे. कोरोना संकटामुळे ऑनलाइन इकोस्टिस्टिमला चालना मिळाली आहे आणि आता सर्व काही ऑनलाइन झाले आहे.
Big News Indian Stock Market will become 5th largest in world With 5 trillion dollar value by 2024
To be published, comments must be reviewed by the administrator.*
Our website uses cookies to improve your experience. Learn more