PM Modi In US PM Narendra modi seventh visit To USA from 2014 to 2021, Read All events in Details

PM Modi In US : सात वर्षे, 7 दौरे…ओबामा, ट्रम्पनंतर आता बायडेन यांची भेट, असा आहे मोदींचा मैत्रीचा प्रवास

PM Modi In US : पंतप्रधान नरेंद्र मोदी सध्या तीन दिवसांच्या अमेरिका दौऱ्यावर आहेत. त्यांच्या अमेरिका दौऱ्याच्या दुसऱ्या दिवशी ते आज अमेरिकेचे अध्यक्ष जो बायडेन यांची भेट घेणार आहेत. दौऱ्याच्या पहिल्या दिवशी त्यांनी अमेरिकेच्या उपाध्यक्ष कमला हॅरिस यांची भेट घेतली. भारताचे पंतप्रधान म्हणून मोदींची ही सातवी अमेरिका भेट आहे. पहिल्या अमेरिकेच्या दौऱ्यावेळी पीएम मोदींची माजी राष्ट्राध्यक्ष बराक ओबामा यांच्याशी झालेल्या मैत्रीची चर्चा जगभरात झाली होती. PM Modi In US PM Narendra modi seventh visit To USA from 2014 to 2021, Read All events in Details


विशेष प्रतिनिधी

नवी दिल्ली : पंतप्रधान नरेंद्र मोदी सध्या तीन दिवसांच्या अमेरिका दौऱ्यावर आहेत. त्यांच्या अमेरिका दौऱ्याच्या दुसऱ्या दिवशी ते आज अमेरिकेचे अध्यक्ष जो बायडेन यांची भेट घेणार आहेत. दौऱ्याच्या पहिल्या दिवशी त्यांनी अमेरिकेच्या उपाध्यक्ष कमला हॅरिस यांची भेट घेतली. भारताचे पंतप्रधान म्हणून मोदींची ही सातवी अमेरिका भेट आहे. पहिल्या अमेरिकेच्या दौऱ्यावेळी पीएम मोदींची माजी राष्ट्राध्यक्ष बराक ओबामा यांच्याशी झालेल्या मैत्रीची चर्चा जगभरात झाली होती.

त्याचबरोबर माजी राष्ट्राध्यक्ष डोनाल्ड ट्रम्प यांनीही पीएम मोदींसाठी ‘हाऊडी मोदी’ कार्यक्रमाचे आयोजन केले होते. हा कार्यक्रमदेखील जगभरात खूप लोकप्रिय ठरला. पीएम मोदींच्या सात अमेरिका भेटींची माहिती येथे देत आहोत, यात 2014 मध्ये मॅडिसन स्क्वेअरपासून हाऊडी मोदी आणि बायडेन यांच्या भेटींचा समावेश आहे.

पहिली भेट : 2014 – पंतप्रधान झाल्यावर मोदींचा पहिला अमेरिका दौरा

सन 2014 मध्ये मे महिन्यात पंतप्रधान म्हणून निवड झाल्यानंतर पंतप्रधान मोदींनी सप्टेंबर महिन्यात पहिला अमेरिका दौरा केला. पंतप्रधान म्हणून मोदींचा हा पहिला अमेरिका दौरा खूप लोकप्रिय ठरला. पंतप्रधान मोदींनी मॅडिसन स्क्वेअरमध्ये दिलेल्या भाषणाने अमेरिकेतील रहिवाशांची मने जिंकली. पंतप्रधान मोदींच्या अमेरिकेतील हिंदी भाषणाची जगभरात चर्चा झाली. या भेटीदरम्यान अमेरिकेचे तत्कालीन अध्यक्ष बराक ओबामा आणि पंतप्रधान मोदी यांचे संयुक्त संपादकीय प्रसिद्ध वृत्तपत्र वॉशिंग्टन पोस्टमध्येही छापण्यात आले.

दुसरी भेट : 2015 – अमेरिकेत संयुक्त राष्ट्रांची सर्वसाधारण सभा

पुढच्या वर्षी सप्टेंबर महिन्यात पंतप्रधान मोदी पुन्हा एकदा अमेरिकेत पोहोचले. यादरम्यान ते संयुक्त राष्ट्राच्या महासभेला संबोधित करण्यासाठी अमेरिकेत गेले. भेटीदरम्यान त्यांनी टेक कंपन्यांच्या प्रमुखांना भेटले होते. यादरम्यान त्यांनी फेसबुक, टेस्ला, गुगलसारख्या कंपन्यांनाही भेट दिली. एवढेच नाही, तर यावेळी त्यांनी परदेशी भारतीयांच्या एका कार्यक्रमाला संबोधित केले, ज्याची खूप चर्चा झाली.

तिसरी आणि चौथी भेट : 2016 – अमेरिकेचे दोन दौरे

सन 2016 मध्ये पंतप्रधान नरेंद्र मोदी यांनी अमेरिकेला दोन भेटी दिल्या. मार्च महिन्यात पंतप्रधान मोदी दोनदिवसीय अणु सुरक्षा शिखर परिषदेसाठी अमेरिकेत गेले होते. त्याच वेळी त्या वर्षी जूनमध्ये पीएम मोदींनी अमेरिकन संसदेच्या युनायटेड हाऊसलाही संबोधित केले. असा सन्मान मिळवणारे पीएम मोदी हे पाचवे पंतप्रधान आहेत.

पाचवी भेट : वर्ष 2017 – मोदी पहिल्यांदा ट्रम्प यांना भेटले

पंतप्रधान मोदी यांनी जून 2017 मध्ये अमेरिकेचे नवनिर्वाचित राष्ट्राध्यक्ष डोनाल्ड ट्रम्प यांची भेट घेतली. ट्रम्प यांनी राष्ट्राध्यक्ष झाल्यानंतर पहिल्यांदा व्हाइट हाऊसमध्ये पीएम मोदींसाठी डिनरचे आयोजन केले होते. या दौऱ्याचा लाभ भारताला मिळाला आणि अमेरिकेने सय्यद सलाहुद्दीनचा जागतिक दहशतवाद्यांच्या यादीत समावेश केला.

सहावी भेट : 2019 – हाऊडी मोदी

2019 मध्ये सप्टेंबर महिन्यात पंतप्रधान मोदी पुन्हा एकदा अमेरिकेत गेले. यादरम्यान, ट्रम्प यांनी पंतप्रधान मोदींचे स्वागत करण्यासाठी हाऊडी मोदी कार्यक्रमाचे आयोजन केले. अमेरिकेत निवडणूक प्रचाराची ही वेळ होती. यादरम्यान, पीएम मोदींनी परदेशी भारतीयांना संबोधित केले. पंतप्रधान नरेंद्र मोदी यांनीही ट्रम्प यांच्यासोबत स्टेडियमला चक्कर मारली.

सातवी भेट : 2021 – बायडेन यांच्याशी पहिली भेट

कोरोना संकटानंतर पंतप्रधान मोदी अमेरिकेच्या दौऱ्यावर जाण्याची ही पहिलीच वेळ आहे. यावेळी मुख्य फोकस क्वाडची बैठक आहे, शिवाय ते अमेरिकेचे राष्ट्राध्यक्ष जो बायडेन यांनाही भेटणार आहेत. या बैठकीदरम्यान द्विपक्षीय संबंधांवर चर्चा होईल, अशी अपेक्षा आहे. याआधी पंतप्रधान मोदींनी अमेरिकेच्या उपराष्ट्रपती कमला हॅरिस यांचीही भेट घेतली.

PM Modi In US PM Narendra modi seventh visit To USA from 2014 to 2021, Read All events in Details

महत्त्वाच्या बातम्या