विशेष प्रतिनिधी
नवी दिल्ली : कॉँग्रेसचे खासदार शशी थरुर यांनी आकडेवारी सादर करत कॉँग्रेसच देशातील सर्वात विश्वासार्ह विरोधी पक्ष असल्याचे म्हटले आहे. मात्र, त्यासाठी पक्षाचे पुनरुज्जीवन करण्याची गरज असून पक्षात बदल आणि सुधारणा करणे आवश्यक असल्याचे म्हटले आहे.Presenting the figures, Shashi Tharoor said that the Congress is the most credible opposition party, the only thing needed was change and reform
शशी थरुर यांनी ट्विटवर देशातील सर्व पक्षांच्या आमदारांची संख्या दिली आहे. संपूर्ण देशात भाजपचे १४४३, कॉँग्रेसचे ७५३, तृणमूल कॉग्रेसचे २३६, आम आदमी पार्टी १५६, वाएसआर कॉँग्रेसचे १५१, द्रविड मुनेत्र कळघमचे १३९ आणि बिजू जनता दलाचे ११४ आमदार आहेत.
शशी थरूर हे काँग्रेसच्या जी-२३ नेत्यांपैकी एक आहेत. याशिवाय गुलाम नबी आझाद, कपिल सिब्बल, मनीष तिवारी यांच्यासह एकूण २३ नेत्यांचा यात समावेश आहे. ऑगस्ट २०२० मध्ये २३ काँग्रेस नेत्यांनी सोनिया गांधींना पत्र लिहून सक्रिय नेतृत्व आणि संघटनेत सर्वसमावेशक बदलांची मागणी केली होती. तेव्हापासून हे नेते चर्चेत राहतात आणि जेव्हा-जेव्हा पक्षाला पराभवाला सामोरे जावे लागते तेव्हा हे नेते मागणी वारंवार करीत राहतात.
To be published, comments must be reviewed by the administrator.*
Our website uses cookies to improve your experience. Learn more
Download App