इकडे नाना पटोले यांची वायपळ बडबड आणि तिकडे राष्ट्रवादीने कॉँग्रेसचा केसाने गळा कापला

विशेष प्रतिनिधी

नाशिक : कॉँग्रेसचे प्रदेशाध्यक्ष नाना पटोले यांची वायफळ बडबड सध्या सगळ्या राज्याचे मनोरंजन करत आहे. मात्र, दुसऱ्या बाजुला राष्ट्रवादी कॉँग्रेसने मालेगावमध्ये कॉँग्रेसचा केसाने गळा कापला आहे Here Nana Patole’s babbling and here NCP cut the throat of Congress

आगामी महापालिका निवडणुकीच्या पार्श्वभूमीवर काँग्रेसला मालेगावमध्ये मोठा धक्का बसला आहे. कारण माजी आमदार रशीद शेख यांच्यासह महापौर ताहेरा शेख आणि २७ नगरसेवकांनी काँग्रेसला सोडचिठ्ठी दिली आहे. येत्या गुरुवारी हे सर्वजण उपमुख्यमंत्री अजित पवार यांच्या उपस्थितीमध्ये मुंबई येथे राष्ट्रवादी काँग्रेसमध्ये प्रवेश करणार आहेत.



मालेगाव हा काँग्रेसचा बालेकिल्ला समजला जातो. मात्र याच बालेकिल्ल्याला आता मित्रपक्ष असलेल्या राष्ट्रवादीनेच सुरुंग लावला आहे. मालेगाव महानगरपालिका निवडणुकीच्या पार्श्वभूमीवर माजी आमदारासह तब्बल २७ नगरसेवकांनी राष्ट्रवादीमध्ये प्रवेश करण्याचा निर्णय घेतल्याने काँग्रेसला खिंडार पडलं आहे.

यापूर्वी माजी आमदार आसिफ शेख यांनी काँग्रेसमधून राष्ट्रवादीत प्रवेश केलेला होता. आता त्यांचे वडील माजी आमदार रशीद शेख तसेच आई महापौर ताहेरा शेख हे देखील राष्ट्रवादीत प्रवेश करत आहे. शेख कुटुंबीय हे काँग्रेसचे निष्ठावंत कुटुंब मानले जात होते. मात्र या कुटुंबाला आपल्याकडे खेचण्यात राष्ट्रवादीला यश आलं आहे.

Here Nana Patole’s babbling and here NCP cut the throat of Congress

महत्त्वाच्या बातम्या