Corona Vaccine : कोरोनाविरुद्ध युद्धात भारताच्या भात्यात आणखी दोन लसी, आरोग्य मंत्रालयाची कोव्होव्हॅक्स आणि कोर्बेव्हॅक्सला मंजुरी । Corona Vaccine In the war against corona, two more vaccines in India, Ministry of Health approves COVOVAX and CORBEVAX

Corona Vaccine : कोरोनाविरुद्ध युद्धात भारताच्या भात्यात आणखी दोन लसी, आरोग्य मंत्रालयाची कोव्होव्हॅक्स आणि कोर्बेव्हॅक्सला मंजुरी

कोरोनाविरुद्धच्या युद्धादरम्यान आरोग्य मंत्रालयाने आपत्कालीन वापरासाठी आणखी दोन लसींना मंजुरी दिली आहे. आरोग्य मंत्री मनसुख मांडविया यांनी ट्विट करून ही माहिती दिली आहे. या दोन लसींची नावे आहेत – CORBEVAX आणि COVOVAX. CORBEVAX आणि COVOVAX व्यतिरिक्त, विषाणूविरोधी औषध मोलनुपिराविरलाही मान्यता देण्यात आली आहे. मोलनुपिरावीर हे अँटिव्हायरल औषध आहे, जे आता देशातील 13 कंपन्या बनवणार आहेत. आपत्कालीन परिस्थितीत प्रौढ कोविड रुग्णांच्या उपचारात याचा वापर केला जाईल. Corona Vaccine In the war against corona, two more vaccines in India, Ministry of Health approves COVOVAX and CORBEVAX

वृत्तसंस्था

नवी दिल्ली : कोरोनाविरुद्धच्या युद्धादरम्यान आरोग्य मंत्रालयाने आपत्कालीन वापरासाठी आणखी दोन लसींना मंजुरी दिली आहे. आरोग्य मंत्री मनसुख मांडविया यांनी ट्विट करून ही माहिती दिली आहे. या दोन लसींची नावे आहेत – CORBEVAX आणि COVOVAX. CORBEVAX आणि COVOVAX व्यतिरिक्त, विषाणूविरोधी औषध मोलनुपिराविरलाही मान्यता देण्यात आली आहे. मोलनुपिरावीर हे अँटिव्हायरल औषध आहे, जे आता देशातील 13 कंपन्या बनवणार आहेत. आपत्कालीन परिस्थितीत प्रौढ कोविड रुग्णांच्या उपचारात याचा वापर केला जाईल.

Congratulations India 🇮🇳

Further strengthening the fight against COVID-19, CDSCO, @MoHFW_INDIA has given 3 approvals in a single day for:

– CORBEVAX vaccine
– COVOVAX vaccine
– Anti-viral drug Molnupiravir

For restricted use in emergency situation. (1/5)

— Dr Mansukh Mandaviya (मोदी का परिवार) (@mansukhmandviya) December 28, 2021

CORBEVAX लस ही भारतातील पहिली स्वदेशी विकसित RBD प्रोटीन सब-युनिट लस आहे जी हैद्राबाद स्थित फर्म बायोलॉजिकल-ई ने कोरोनाचा सामना करण्यासाठी बनवली आहे. ही आता भारतात विकसित झालेली तिसरी लस आहे. तर नॅनोपार्टिकल लस COVOVAX ही सीरम इन्स्टिट्यूट, पुणे द्वारे बनवली जाईल.

Molnupiravir, an antiviral drug, will now be manufactured in the country by 13 companies for restricted use under emergency situation for treatment of adult patients with COVID-19 and who have high risk of progression of the disease. (4/5)

— Dr Mansukh Mandaviya (मोदी का परिवार) (@mansukhmandviya) December 28, 2021

यापूर्वी, देशाच्या केंद्रीय औषध प्राधिकरणाच्या तज्ञ समितीने सीरम इन्स्टिट्यूट ऑफ इंडियाच्या कोविड-19 लस ‘कोव्होव्हॅक्स’ ला काही अटींसह आपत्कालीन वापरासाठी परवानगी देण्याची शिफारस केली होती. सीरम इन्स्टिट्यूट ऑफ इंडिया (SII) मधील सरकारी आणि नियामक प्रकरणांचे संचालक प्रकाश कुमार सिंग यांनी ऑक्टोबरमध्ये ड्रग कंट्रोलर ऑफ इंडिया (DCGI) कडे अर्ज सादर केला आणि आपत्कालीन परिस्थितीत कोवोव्हॅक्सच्या मर्यादित वापरास परवानगी देण्याची विनंती केली.

तज्ज्ञ समितीने 27 नोव्हेंबर रोजी एसआयआयच्या अर्जाचे मूल्यांकन केले आणि त्यावर विचारविमर्श केला आणि फार्मास्युटिकल कंपनीला अतिरिक्त माहिती देण्यास सांगितले. 1 जानेवारीपासून 15 ते 18 वर्षे वयोगटातील लोक ‘कोविन’ पोर्टलवर लसीसाठी नोंदणी करू शकतील. त्यांच्यासाठी लसीचा पर्याय फक्त ‘कोव्हॅक्सीन’ असेल. ३ जानेवारीपासून बालकांचे कोविड लसीकरण सुरू करण्याची तयारी सुरू आहे.