येडियुरप्पा यांचा कर्नाटकच्या मुख्यमंत्रिपदाचा राजीनामा, नव्या मुख्यमंत्र्याचा निर्णय संध्याकाळपर्यंत होणार जाहीर

bs yediyurappa  : कर्नाटकच्या राजकारणात पुन्हा एकदा खळबळ उडाली आहे. सोमवारी बी.एस. येडियुरप्पा यांनी कर्नाटकच्या मुख्यमंत्रिपदाचा राजीनामा दिला. विशेष म्हणजे कर्नाटकात भाजप सरकारने दोन वर्षे पूर्ण केली असताना हा राजीनामा आला आहे. अशा परिस्थितीत आता राज्याची सूत्रे भाजप कुणाकडे सोपवणार याकडे सर्वांचे लक्ष लागले आहे. नव्या मुख्यमंत्र्यांचा निर्णयही संध्याकाळपर्यंत जाहीर होण्याची शक्यता आहे. bs yediyurappa announces his resignation as karnataka chief minister

विशेष प्रतिनिधी

बंगळुरू : कर्नाटकच्या राजकारणात पुन्हा एकदा खळबळ उडाली आहे. सोमवारी बी.एस. येडियुरप्पा यांनी कर्नाटकच्या मुख्यमंत्रिपदाचा राजीनामा दिला. विशेष म्हणजे कर्नाटकात भाजप सरकारने दोन वर्षे पूर्ण केली असताना हा राजीनामा आला आहे. अशा परिस्थितीत आता राज्याची सूत्रे भाजप कुणाकडे सोपवणार याकडे सर्वांचे लक्ष लागले आहे. नव्या मुख्यमंत्र्यांचा निर्णयही संध्याकाळपर्यंत जाहीर होण्याची शक्यता आहे.

मुख्यमंत्र्यांच्या राजीनाम्याच्या घोषणेनंतर आता राजभवनमध्ये हालचाली वाढल्या आहेत. बी.एस. येडियुरप्पाशिवाय इतर अनेक नेते आणि मंत्रीही राजभवनात पोहोचले आहेत. राजीनामा जाहीर करताना बी.एस. येडीयुरप्पा म्हणाले की, कर्नाटकमधील जनतेसाठी त्यांना बरेच काम करायचे आहे. आपण सर्वांनी परिश्रम घेतले पाहिजे. भावुक होत बी.एस. येडीयुरप्पा म्हणाले की, मी नेहमीच अग्निपरीक्षेतून गेलो आहे.

एकीकडे सोमवारी कर्नाटकमध्ये भाजप सरकारची दोन वर्षे पूर्ण झाल्याचा आनंद साजरा होत असतानाच, आता येडियुरप्पांचा राजीनाम आला आहे. बी.एस. सकाळपासूनच येडीयुरप्पा वेगवेगळ्या कार्यक्रमातही सहभागी होत होते.

बी.एस. येडियुरप्पा यांच्या राजीनाम्याच्या घोषणेनंतर दिल्लीतही राजकीय हालचालींना वेग झाला आहे. भाजप अध्यक्ष जेपी नड्डा यांनी कर्नाटकचे प्रभारी अरुण सिंग यांच्याशी चर्चा केली आहे. नवीन मुख्यमंत्र्याच्या नावाची लवकरच घोषणा होण्याची शक्यता आहे.

येडियुरप्पांच्या दिल्ली वारीनंतर सुरू झाली चर्चा

कर्नाटकच्या राजकारणाबद्दल बर्‍याच काळापासून कयास बांधले जात होते. नुकतेच बी.एस. येडियुरप्पा नवी दिल्ली येथे आले होते. त्यांनी पंतप्रधान नरेंद्र मोदी, भाजप अध्यक्ष जेपी नड्डा यांची भेट घेतली. यानंतरच येडियुरप्पा त्यांचे पद सोडू शकतात, असे कयास बांधले जात होते.

तेव्हापासून बी.एस. येडियुरप्पा यांच्या राजीनाम्याविषयीची चर्चा तीव्र झाली होती, तेव्हापासून लिंगायत समुदायातील लोकांचे बी.एस. येडियुरप्पांना भेटणे सुरू होते. अशा परिस्थितीत या बैठकांना केंद्रीय नेतृत्वाला देण्यात येत असलेल्या संदेशाच्या रूपात पाहिले जात आहे. तथापि, नंतर केंद्रीय नेतृत्वाने निर्णय घेतल्यास आपण राजीनामा देऊ, असे येडीयुरप्पा यांनी स्पष्ट केले होते.

2018 च्या विधानसभा निवडणुकीनंतर राज्यात कॉंग्रेस-जेडीएस सरकार स्थापन झाले, परंतु हे सरकार केवळ एक वर्ष टिकू शकले आणि नंतर भाजपने बी.एस. येडियुरप्पा यांच्या नेतृत्वात स्वत:चे सरकार स्थापन केले होते.

bs yediyurappa announces his resignation as karnataka chief minister

महत्त्वाच्या बातम्या

• काँग्रेस अध्यक्ष झाल्याबद्दल सिद्धूंना पाकिस्तानी संघटनेच्या शुभेच्छा, भाजप आणि अकाली दलाने उठवली टीकेची झोड
• कृषी कायद्यांच्या निषेधार्थ राहुल गांधी ट्रॅक्टरवरून पोहोचले संसदेत, म्हणाले- शेतकऱ्यांचा आवाज दाबला जातोय !
• महिलेला दमदाटी करणाऱ्या भास्कर जाधवांना मनसेच्या महिला नेत्याने तडकवले; भास्कर जाधव, कोकणी माणूस तुम्हाला तुमची जागा दाखवल्याशिवाय राहणार नाही; मनसेचा इशारा
• संयुक्त राष्ट्रांच्या सुरक्षा समितीचे अध्यक्षपद भारताकडे येणार, समतोलासाठी उपयुक्त बाब
• १५५ किलोमीटर वेगाने घोंघावणाऱ्या ‘इन-फा’ वादळाचा चीनला तडाखा, शेकडो विमाने रद्द