पोलिस भरती परीक्षा प्रकरणातील मुख्य आरोपी राजीव मिश्रा याला नोएडा STFने केली अटक

आरोपीने याआधीही अनेक मोठ्या परीक्षेचे पेपर लीक केले असून त्यासाठी तो तुरुंगातही गेलेला आहे.

विशेष प्रतिनिधी

नवी दिल्ली : उत्तर प्रदेश एसटीएफने पेपर लीक प्रकरणातील मुख्य आरोपीला अटक केली आहे. पोलिसांनी मुख्य आरोपी राजीव नयन मिश्राला बुधवारी सकाळी नोएडा येथून अटक केली. मिळालेल्या माहितीनुसार, आरोपीने याआधीही अनेक मोठ्या परीक्षेचे पेपर लीक केले असून त्यासाठी तो तुरुंगातही गेला आहे.Rajiv Mishra, the main accused in the police recruitment exam case, was arrested by the Noida STF

नोएडामध्ये भरदिवसा भीषण हत्या, पाच गुंडांनी एका तरुणावर केला गोळीबार!

उत्तर प्रदेश पोलिस भरती परीक्षा १८ फेब्रुवारीला झाली होती आणि काही दिवसांनी परीक्षेचे पेपर लीक झाल्याचे समोर आले होते. यानंतर योगी सरकारने परीक्षा पुन्हा घेण्याचे म्हटले होते. याशिवाय पेपरफुटी प्रकरणाच्या तपासासाठी विशेष पथकही तयार करण्यात आले होते.

या प्रकरणात पहिली अटक एसटीएफने फेब्रुवारीमध्ये केली होती. व्हॉट्सॲपवर उमेदवारांना प्रश्नांची उत्तरे पाठवणाऱ्या आरोपी नीरज यादवला एसटीएफने अटक केली होती. त्यानंतर ५ मार्च रोजी याप्रकरणी मोठी कारवाई करत यूपी पोलीस भरती आणि पदोन्नती मंडळाच्या अध्यक्षा रेणुका मिश्रा यांना हटवण्यात आले.

सरकारने 14 जून 2023 रोजी 1990 बॅचच्या भारतीय पोलिस सेवा (IPS) अधिकारी रेणुका मिश्रा यांच्याकडे उत्तर प्रदेश पोलिस भरती आणि पदोन्नती मंडळाचे महासंचालक आणि अध्यक्षपदाची जबाबदारी सोपवली होती.