Waqf Amendment Bill : वक्फ दुरुस्ती विधेयकाबाबत संयुक्त संसदीय समिती घेणार राज्यांकडून सूचना

By, Pravin Wankhade - December 24, 2024 07:00:10

0

२६-२७ डिसेंबरला होणार महत्त्वाची बैठक

विशेष प्रतिनिधी

नवी दिल्ली : Waqf Amendment Bill वक्फ दुरुस्ती विधेयकावर स्थापन करण्यात आलेली संयुक्त संसदीय समिती आता राज्य प्रतिनिधींच्या तोंडी पुराव्याची नोंद करण्यासाठी बैठक घेणार आहे. 26 आणि 27 डिसेंबर रोजी या बैठका होणार आहेत. 26 डिसेंबर रोजी ही समिती कर्नाटक, मध्य प्रदेश आणि राजस्थानच्या राज्य प्रतिनिधींकडून सूचना घेणार असल्याचे सांगण्यात आले. तर 27 डिसेंबरला त्या उत्तर प्रदेश, ओडिशा आणि दिल्लीच्या प्रतिनिधींशी बोलणार आहेत.Waqf Amendment Bill

गुरुवारी संसदीय समितीने लखनऊ आणि राजस्थानमधील मुस्लिम प्रतिनिधींशी चर्चा केली. संयुक्त संसदीय समितीचे अध्यक्ष जगदंबिका पाल यांनी सांगितले की, प्रोफेसर माहरुख मिर्झा, ख्वाजा मोईनुद्दीन चिश्ती भाषा विद्यापीठ, लखनऊचे माजी कुलगुरू आणि राजस्थान वक्फ बोर्डाचे माजी अध्यक्ष सय्यद अबू बकर नक्वी यांनी त्यांच्या प्रस्तावित दुरुस्त्या मांडल्या. यावर चर्चा झाली. खासदारांनीही त्यांना प्रश्न विचारले.

राष्ट्रवादीतल्या सत्ता लालसेची सरकारला डोकेदुखी; तिथे लागू कशी करणार “मात्रा फडणविशी”??

तत्पूर्वी बुधवारी वक्फवर स्थापन करण्यात आलेल्या संसदीय समितीने ऑल इंडिया शिया पर्सनल लॉ बोर्डाच्या सदस्यांसोबत बैठक घेतली होती. समितीने विधेयकावर बोर्डाचे म्हणणे ऐकून घेतले.

वक्फ दुरुस्ती विधेयकासाठी स्थापन करण्यात आलेल्या समितीचा कार्यकाळ 2025 च्या अर्थसंकल्पीय अधिवेशनाच्या शेवटच्या दिवसापर्यंत वाढवण्यात आला आहे. लोकसभेने हा प्रस्ताव मंजूर केला. ही समिती या आठवड्याच्या अखेरीस आपला अहवाल सादर करणार होती. या प्रकरणी समितीचे अध्यक्ष जगदंबिका पाल म्हणतात की जेपीसीचा कार्यकाळ वाढवायला हवा यावर समितीचे सर्व सदस्य सहमत आहेत.