अवैधरित्या सावकारी करणाऱ्याला अटक

By, Vishal Joshi - April 25, 2022 03:00:50

0

अवैधरित्या सावकारी करीत महिन्याला तब्बल १० टक्के दराने व्याजवसुली करणाऱ्याला गुन्हे शाखेच्या युनीट दोनने अटक केली. Illegal money laundering case one accused arrested by Pune police crime branch unit two

विशेष प्रतिनिधी

पुणे : अवैधरित्या सावकारी करीत महिन्याला तब्बल १० टक्के दराने व्याजवसुली करणाऱ्याला गुन्हे शाखेच्या युनीट दोनने अटक केली. त्याच्याकडून कर्जदारांच्या सहीचे धनादेश, कोरे स्टॅम्पपेपर जप्त करण्यात आले आहेत. त्याच्याविरूद्ध महाराष्ट्र सावकारी प्रतिबंध कायद्यानुसार दत्तवाडी पोलीस ठाण्यात गुन्हा दाखल करण्यात आला आहे. भरत बाबू लालजी उणेचा( वय ३६ रा.अपर इंदिरानगर, बिबवेवाडी,पुणे) असे अटक केलेल्याचे नाव आहे.

बेकायदेशीर सावकारीबाबत थेट पुणे पोलिसांना देऊ शकता माहिती ; जारी केला एक व्हॉट्सअप नंबर

नागरिकांना तब्बल १० टक्के व्याज दराने कर्ज देवून त्यांच्याकडून अवैधरित्या वसुली करणाऱ्या सावकाराची माहिती युनीट दोनला मिळाली होती. त्यानुसार पथकाने सापळा रचून कपडे विक्रीचा व्यवसाय करीत सावकारी करणाऱ्या भरत उणेचा याला ताब्यात घेतले. कर्जदाराकडुन मुद्दल व्याजासहीत वसूल करुन तो कर्जदाराला जीवे मारण्याची धमकी देत असल्याचेही उघडकीस आले आहे. ही कामगिरी पोलीस आयुक्त अमिताभ गुप्ता, सहआयुक्त संदीप कर्णिक, उपायुक्त श्रीनिवास घाडगे, एसीपी गजानन टोम्पे, वरिष्ठ पोलीस निरीक्षक क्रांतीकुमार पाटील, उपनिरीक्षक संजय गायकवाड, उपनिरीक्षक राजेंद्र पाटोळे, मोहसिन शेख, संजय जाधव, साधना ताम्हाणे, उत्तम तारु, निखिल जाधव, मितेश चोरमोले, नागनाथ राख यांनी केली.