चाकण-तळेगावची कोंडी सुटणार? शिंदेंनी दिली ‘सहा महिन्यांची’ डेडलाइन

By, wankhadepravin - August 17, 2026 02:30:23

0

विशेष प्रतिनिधी

चाकण : चाकण-तळेगाव औद्योगिक पट्ट्यातील वाहतूक कोंडी आणि पायाभूत सुविधांच्या प्रश्नांवर आता ‘फास्ट ट्रॅक’ पद्धतीने काम करण्याचे निर्देश उपमुख्यमंत्री एकनाथ शिंदे यांनी दिले आहेत. रखडलेली कामे सहा महिन्यांत पूर्ण करण्याची स्पष्ट डेडलाइन संबंधित विभागांना देण्यात आली आहे. Chakan-Talegaon traffic

रविवारी (१६ ऑगस्ट) चाकण-तळेगाव औद्योगिक क्षेत्रातील उद्योजकांच्या समस्यांवर आयोजित बैठकीत शिंदे यांनी मुंबईतून व्हिडिओ कॉन्फरन्सिंगद्वारे संवाद साधला. वाहतूक कोंडीमुळे उद्योजक आणि कामगारांना होणाऱ्या त्रासाची दखल घेत, ‘सरकारी काम, सहा महिने थांब’ ही मानसिकता बदलण्याची गरज असल्याचे त्यांनी स्पष्ट केले.

संविधानाच्या गप्पा, पण चर्चेपासून पळ! फडणवीसांचा विरोधकांना थेट सवाल

रस्त्यांवरील खड्डे बुजवण्यासाठी प्री-कास्ट तंत्रज्ञानासोबत ‘जिओ पॉलिमर टेक्नो पॅच’चा वापर करण्याच्या सूचना देण्यात आल्या. तसेच ३१ ऑगस्टपर्यंत नवीन ट्रान्सफॉर्मर बसवण्याचे नियोजन करण्यात आले आहे. रखडलेली कामे वेळेत पूर्ण न करणाऱ्या ठेकेदारांवर कारवाई करण्याचा इशाराही शिंदे यांनी दिला.

उद्योगमंत्री उदय सामंत यांनीही विविध विभागांमध्ये समन्वय वाढवून कामांना वेग देण्याचे निर्देश दिले आहेत. त्यामुळे चाकण-तळेगावमधील वाहतूक कोंडी आणि पायाभूत सुविधांच्या प्रश्नांना आता खरोखरच दिलासा मिळणार का, याकडे उद्योजक आणि कामगारांचे लक्ष लागले आहे.

दुसरीकडे, उद्योगमंत्री उदय सामंत यांनीही विविध विभागांमध्ये समन्वय वाढवून कामे जलदगतीने करण्याचे निर्देश दिले आहेत. उद्योजकांच्या समस्यांसाठी ‘सिंगल विंडो कमांड’ यंत्रणा राबविण्याचा निर्णय घेण्यात आला आहे.