दोन वर्षांपासून सोनियांसोबत कोणतीही चर्चा नाही, कपिल सिब्बल यांनी आपल्याच पक्षावर उपस्थित केले प्रश्न, म्हणाले - येथे चर्चाच होत नाहीत!|There has been no discussion with Sonia for two years, Kapil Sibal raised questions on his party, saying

दोन वर्षांपासून सोनियांसोबत कोणतीही चर्चा नाही, कपिल सिब्बल यांनी आपल्याच पक्षावर उपस्थित केले प्रश्न, म्हणाले – येथे चर्चाच होत नाहीत!

विशेष प्रतिनिधी

नवी दिल्ली : काँग्रेसचे ज्येष्ठ नेते कपिल सिब्बल यांनी काँग्रेस पक्षाच्या ढासळत्या विश्वासार्हतेवर चिंता व्यक्त करत आपल्याच पक्षावर प्रश्न उपस्थित केले आहेत. सिब्बल म्हणाले की, पक्षात संवादाचा अभाव आहे, यामुळे पक्षात अडचणी आहेत. ते म्हणाले की, 2019 पासून त्यांची पक्ष नेतृत्वाशी कोणतीही चर्चा झालेली नाही आणि ही खूप वाईट परिस्थिती आहे.There has been no discussion with Sonia for two years, Kapil Sibal raised questions on his party, saying – there is no discussion here

‘इंडिया टुडे’ वृत्तवाहिनीवर ज्येष्ठ पत्रकार राजदीप सरदेसाई यांच्याशी बोलताना काँग्रेसचे ज्येष्ठ नेते कपिल सिब्बल म्हणाले की, पक्षाचे कार्यकर्ते पक्षाला उंचीवर नेतात. आम्ही त्यांना भेटत नाही किंवा त्यांचे ऐकूनही घेत नाही. हे निराशाजनक आहे. यावर मात करण्यासाठी आपण ताबडतोब त्यांच्यामध्ये जायला हवे.”

कॉंग्रेसची अवस्था खूपच वाईट! कपिल सिब्बल म्हणाले दोन वर्षांपासून सोनिया गांधींसह वरिष्ठ नेत्यांशी संवादच झाला नाही

#EXCLUSIVE | 'A political party should have a president' : @KapilSibal on Congress | @sardesairajdeep #5iveLive #KapilSibal #Congress pic.twitter.com/OndXbcr52p

— IndiaToday (@IndiaToday) August 10, 2021

कॉंग्रेस हा एक मोठा आणि जुना पक्ष आहे, असे त्यांनी सांगितले. भाजपविरोधातील संघर्षात कोणताही पक्ष काँग्रेसशिवाय यशस्वी होणार नाही. अशा परिस्थितीत विरोधकांनी एकत्र येण्यासाठी काँग्रेसने पुढाकार घेतला पाहिजे. यावर उच्चस्तरीय चर्चा होणे अत्यंत आवश्यक आहे आणि पक्ष नेतृत्वाने त्यावर मोठा निर्णय घेण्यासाठी आपसात संवाद साधणे अत्यंत गरजेचे आहे.

ते म्हणाले की, सर्वच पक्ष भाजपच्या विरोधात लढत आहेत, पण त्यांची लढाई विखुरलेली आहे. एक नेतृत्व आणि एक धोरण घेऊन लढावे लागेल. तरच आपण आपल्या उद्दिष्टांमध्ये यशस्वी होऊ.

दुसरीकडे, कपिल सिब्बल यांनी आपल्या वाढदिवसानिमित्त सोमवारी रात्री त्यांच्या निवासस्थानी वाढदिवसाच्या पार्टीचे आयोजन केले होते. काँग्रेस आणि समविचारी पक्षांचे मोठे नेते यात सहभागी झाले होते.

यामध्ये राष्ट्रवादी काँग्रेसचे अध्यक्ष शरद पवार, तृणमूल काँग्रेसचे डेरेक ओब्रायन, द्रमुकचे त्रिची शिवा, आरएलडी अध्यक्ष जयंत चौधरी, समाजवादी पक्षाचे अध्यक्ष अखिलेश यादव यांच्यासह पक्षाचे ज्येष्ठ नेते प्रा. राम गोपाल यादव आणि राजद सुप्रिमो लालू प्रसाद उपस्थित होते. काँग्रेसचे मनीष तिवारी, शशी थरूर आणि आनंद शर्मा यांनीही उपस्थिती लावली होती.