बेरोजगारांना सरकारी नोकरीची सुवर्णसंधी : राज्याच्या सार्वजनिक आरोग्य विभागात मेगा भरती, 3466 पदांची भरती

By, Vishal Joshi - August 11, 2021 12:33:23

0

कोरोनाचा परिणाम सर्वच क्षेत्रांवर झाला असून याला शासनाचा आरोग्य विभागसुद्धा अपवाद नाही. वाढती रुग्णसंख्या आणि रिक्त पदं यांचा मोठा ताण आरोग्य विभागावर आल्याचं पाहायला मिळतोय. याच पार्श्वभूमीवर महाराष्ट्र राज्याच्या सार्वजनिक आरोग्य विभागात पदभरती प्रक्रिया सुरू करण्यात आली असून नोकरीच्या शोधात असलेल्या युवकांसाठी ही सरकारी नोकरी म्हणजे एक सुवर्णसंधी म्हणता येईल. Golden opportunity! Mega recruitment in the state public health department, recruitment of 3466 posts

विशेष प्रतिनिधी

मुंबई : देशातल्या अनेक राज्यांमध्ये कोरोना विषाणूने कहर केला. त्यामुळे लॉकडाउन किंवा कडक निर्बंध जारी करण्यात आले. याचा मोठा परिणाम उद्योग क्षेत्रावर झालेला दिसून येतो. दरम्यान रोजगार आणि नोकऱ्या अडचणीत आल्या आहेत. सध्या अनेक युवक रोजगार किंवा नोकऱ्यांच्या शोधात आहेत. वाढती रुग्णसंख्या आणि रिक्त पदं यांचा मोठा ताण आरोग्य विभागावर आल्याचं पाहायला मिळतंय.

याच पार्श्वभूमीवर महाराष्ट्र राज्याच्या सार्वजनिक आरोग्य विभागात पदभरती प्रक्रिया सुरू करण्यात आली असून नोकरीच्या शोधात असलेल्या युवकांसाठी ही सरकारी नोकरी म्हणजे एक सुवर्णसंधी म्हणता येईल.

आयटी क्षेत्रात नोकऱ्यांचा पाऊस : भारतीय आयटी कंपन्यांकडून ५ वर्षांतील उच्चांकी भरती, पहिल्या सहामाहीतच १.२१ लाख जणांना रोजगार

या पदभरती प्रक्रियेबाबतचं वृत्त ‘टीव्ही नाइन’ने दिलं आहे. महाराष्ट्र सार्वजनिक आरोग्य विभागाच्या वतीने ग्रुप डीमध्ये पदभरतीची घोषणा करण्यात आली आहे. यात एकूण 3466 पदांवर भरती करण्यात येणार आहे. यासाठी अर्ज दाखल करण्याची प्रक्रिया 7 ऑगस्ट 2021 पासून सुरू करण्यात आली असून इच्छुक उमेदवारांना अर्ज दाखल करण्यासाठी 22 ऑगस्टपर्यंत मुदत देण्यात आली आहे.