NIA Raids महाराष्ट्रातील 3 ठिकाणांसह 9 राज्यांत 20 ठिकाणी एनआयएचे एकदाच छापे; ऑनलाइन कट्टरवाद व आरएसएस कार्यालय बॉम्बहल्ल्याच्या तपासाला वेग

NIA Raids : महाराष्ट्रातील 3 ठिकाणांसह 9 राज्यांत 20 ठिकाणी एनआयएचे एकदाच छापे; ऑनलाइन कट्टरवाद व आरएसएस कार्यालय बॉम्बहल्ल्याच्या तपासाला वेग

वृत्तसंस्था

मुंबई : NIA Raids देशात दहशतवादी कारवायांना प्रोत्साहन देणारे ऑनलाइन रॅडिकलायझेशन (कट्टरवादाचा प्रसार) आणि झारखंडमधील रांची येथील १६ जूनच्या राष्ट्रीय स्वयंसेवक संघाच्या (आरएसएस) कार्यालयावरील पेट्रोल बॉम्बहल्ला प्रकरणात राष्ट्रीय तपास संस्थेने (एनआयए) बुधवारी मोठी कारवाई केली. एनआयएच्या पथकांनी महाराष्ट्रातील ३ ठिकाणांसह देशातील नऊ राज्यांमध्ये २० ठिकाणी एकाच वेळी छापे टाकले. या कारवाईत मोठ्या प्रमाणावर आक्षेपार्ह कागदपत्रे व डिजिटल उपकरणे जप्त केली आहेत.NIA Raids

बॉम्बहल्ल्यातील अटक आरोपी सैफ अन्सारी, अमन अन्सारी आणि सायम सुजन हे दुबईत असताना शाहबाज राणा ऊर्फ ‘भट्टी’ या पाकिस्तानी नागरिकाच्या संपर्कात आले होते. तो ‘तहरीक-ए-तालिबान हिंदुस्थान’ (टीटीएच) या आयएसआय पुरस्कृत संघटनेसाठी काम करतो. या तरुणांना परदेशातून ऑनलाइन सूचना मिळत होत्या त्यांनी हल्ल्याचा व्हिडिओ हँडलरला पाठवला होता.NIA Raids

सशक्त लोकशाहीत संवाद साधण्याखेरीज दुसरे करणार तरी काय??

डिजिटल उपकरणातून सापडले महाराष्ट्र कनेक्शन

विजयवाडा प्रकरणात यापूर्वी अटक केलेला मुख्य आरोपी मोहंमद रहमतुल्ला शरीफ व त्याच्या सहकाऱ्यांकडून जप्त डिजिटल उपकरणांची फॉरेन्सिक तपासणी झाली. त्यात आरोपींचा महाराष्ट्रातील काही तरुणांशी ऑनलाइन संपर्क होता हे समोर आले. अशा प्रकारे ते ‘इसिस’ व ‘अल कायदा’ या संघटनांच्या विचारसरणीचा प्रसार करायचे.