Myanmar Cyber Scam : एआयद्वारे फसवणूक; स्कॅमर 100 भाषांतून फसवताहेत; म्यानमारमध्ये 50 हजार फसवणुकीचे लक्ष्य, पूर्ण न झाल्यास विजेचा धक्का आणि तरुणींवर बलात्कार

By, wankhadepravin - July 2, 2026 07:00:09

0

वृत्तसंस्था

नेपिदा : ‘Myanmar Cyber Scam चार दिवसांत समोरच्याला प्रेमात पाडा.’ हा काही फिल्मी डायलॉग नाही, तर म्यानमारमधील सायबर स्कॅम सेंटर्समध्ये काम करणाऱ्यांना दिला जाणारा आदेश आहे. डिजिटल जगात विश्वास आणि भावनांना शस्त्र बनवून चाललेल्या सायबर महाफसवणुकीच्या कारखान्यात नोकरीचे आमिष दाखवून भारत आणि इतर अनेक देशांतून तस्करी करून आणलेले तरुण-तरुणी सामील आहेत.Myanmar Cyber Scam

म्यानमारमधील अशाच एका स्कॅम सेंटरमधून वाचवण्यात आलेले केरळचे रहिवासी सफीर मोहम्मद कुरीमन्निल हे देखील आहेत. ते घरी परतले आहेत, पण आठवणी अजूनही त्यांचा पाठलाग करत आहेत. कुरीमन्निल सांगतात की, म्यानमारमधील एका स्कॅम कंपाउंडमध्ये त्यांच्याकडून जबरदस्तीने ऑनलाइन फसवणूक करून घेण्यात आली. ते 28 वर्षांच्या सिंगापूरच्या तरुणीच्या नावाने डझनभर बनावट प्रोफाईल चालवत होते. प्रत्येक शिफ्टमध्ये 100 पेक्षा जास्त लोकांशी चॅट करणे, चार दिवसांत विश्वास आणि प्रेम जिंकण्याचे लक्ष्य. नोंदीनुसार, त्यांनी केवळ एका महिन्यात 17 देशांतील 50 हजारांहून अधिक लोकांना लक्ष्य केले.Myanmar Cyber Scam

गटशेतीच्या माध्यमातून महाराष्ट्राच्या कृषी क्षेत्रात परिवर्तनाला गती; ५० लाख शेतकऱ्यांना एकत्र आणायचा संकल्प; फार्मर कपचा शुभारंभ!!

एपी आणि फ्रंटलाइनच्या तपास अहवालानुसार, सायबर फसवणुकीचा संपूर्ण खेळ अमेरिकन तंत्रज्ञान आणि एआयच्या मदतीने चालतो. चॅटजीपीटी आणि जेमिनाईने बनवलेले सॉफ्टवेअर स्कॅमर्सना 100 पेक्षा जास्त भाषांमध्ये संवाद साधण्यास, पीडितांची कमजोरी ओळखण्यास मदत करतात.

कूरीमन्निल सांगतात की त्यांच्यावर आणि त्यांच्यासारख्या फसवणुकीने येथे आलेल्या लोकांच्या प्रत्येक हालचालीवर नजर ठेवली जात होती. भीती इतकी होती की अनेक कर्मचारी रात्री झोपूही शकत नव्हते. युगांडा, केन्यासह अनेक देशांतील महिलांना सोशल मीडिया मॅनेजर किंवा फॅक्टरीच्या नोकरीचे आमिष दाखवून आणले गेले आणि नंतर स्कॅम सेंटर्समध्ये विकले गेले. त्यांच्याकडून 18-18 तास काम करून घेतले जात असे. बनावट व्हिडिओ कॉलद्वारे लोकांना प्रेमाच्या जाळ्यात ओढून क्रिप्टो गुंतवणुकीच्या नावाखाली फसवणूक केली जात असे. जर एखादी महिला फसवणुकीचे ‘टार्गेट’ पूर्ण करू शकली नाही, तर शिक्षेच्या स्वरूपात तिच्यावर मारहाण आणि सामूहिक बलात्कारही केला जात असे. काहींचे जबरदस्तीने गर्भपात केले जात आणि गर्भधारणेदरम्यानही त्यांना यातना दिल्या जात.

डार्क रूम – यशस्वी स्कॅमर्सना बक्षीस- ‘लैंगिक शोषण’

महिला पीडितांनुसार, अनेक स्कॅम केंद्रांमध्ये ‘डार्क रूम’ (अंधार खोल्या) तयार करण्यात आल्या आहेत. येथे, लक्ष्य पूर्ण न करणाऱ्या महिलांना घेऊन जाऊन मारहाण, इलेक्ट्रिक शॉक आणि बलात्कार केला जातो. तर, काही प्रकरणांमध्ये, मोठी फसवणूक करणाऱ्या पुरुष स्कॅमर्सना महिलांचे लैंगिक शोषण करण्याची सूट ‘बक्षीस’ म्हणून दिली जात असे. संयुक्त राष्ट्र आणि ॲम्नेस्टी इंटरनॅशनलनेही अशा प्रकरणांमध्ये वाढ झाल्याची पुष्टी केली आहे.