Chandrashekhar Bawankule : “काँग्रेसला घरघर लागली, बुडत्या जहाजात कोण बसणार?”; शरद पवारांच्या विलीनीकरणाच्या चर्चांवर बावनकुळेंचा हल्लाबोल

By, wankhadepravin - June 13, 2026 12:00:13

0

विशेष प्रतिनिधी

नागपूर : Chandrashekhar Bawankule महाराष्ट्राच्या राजकारणात राष्ट्रवादी काँग्रेस (शरद पवार गट) आणि काँग्रेसच्या संभाव्य विलीनीकरणाच्या चर्चांना वेग आला असतानाच महसूल मंत्री चंद्रशेखर बावनकुळे यांनी विरोधकांवर जोरदार टीका केली आहे. शरद पवार किंवा सुप्रिया सुळे यांचा पक्ष काँग्रेसमध्ये विलीन होईल, असे वाटत नसल्याचे सांगतानाच त्यांनी काँग्रेसला “बुडते जहाज” संबोधत खोचक टोला लगावला.Chandrashekhar Bawankule

बावनकुळे म्हणाले, “शरद पवार हे देशातील अनुभवी नेते आहेत. काँग्रेसचा इतिहास आणि त्या पक्षाची कार्यपद्धती त्यांना चांगली माहिती आहे. काँग्रेसमध्ये कोणालाच किंमत दिली जात नाही. त्यामुळे राष्ट्रवादी काँग्रेसचा काँग्रेसमध्ये विलय होईल, असे मला वाटत नाही. तरीही त्यांनी असा निर्णय घेतला, तर त्यांना आमच्या शुभेच्छा आहेत.”Chandrashekhar Bawankule

Fadnavis : “काँग्रेसच्या नेतृत्वात शिखांचा कत्लेआम झाला, हे सत्य विसरता येणार नाही”; शरद पवारांच्या टीकेला फडणवीसांचे प्रत्युत्तर

‘काँग्रेसमध्ये लोकशाही नाही, घराणेशाहीच चालते’

काँग्रेसवर निशाणा साधताना बावनकुळे यांनी पक्षातील निर्णयप्रक्रियेवरही प्रश्नचिन्ह उपस्थित केले. त्यांच्या मते, काँग्रेस आता लोकशाही पद्धतीने चालणारा पक्ष राहिलेला नाही.

“काँग्रेसमध्ये कोअर कमिटी किंवा संघटनात्मक पातळीवर निर्णय घेतले जात नाहीत. एका विशिष्ट घराण्याभोवती संपूर्ण पक्ष फिरतो. पक्षातील इतर नेत्यांना फारशी किंमत दिली जात नाही. त्यामुळे काँग्रेसची आजची अवस्था झाली आहे,” असे ते म्हणाले.

‘काँग्रेसला शेवटची घरघर, भवितव्य संपलेले पक्षच सोबत जातील’

विलीनीकरणाच्या चर्चांवर प्रतिक्रिया देताना बावनकुळे यांनी काँग्रेसची तुलना थेट बुडणाऱ्या जहाजाशी केली.

“काँग्रेस पक्षाला आता शेवटची घरघर लागली आहे. हे एक बुडते जहाज आहे. अशा जहाजात कोणताही शहाणा माणूस बसणार नाही. केवळ काँग्रेसला राजकीय ऑक्सिजन मिळावा आणि प्रसिद्धी मिळावी म्हणून अशा चर्चा रंगवल्या जात आहेत. ज्यांचे स्वतःचे राजकीय अस्तित्व धोक्यात आले आहे किंवा भवितव्य संपले आहे, तेच पक्ष काँग्रेससोबत जाण्याचा विचार करतील,” असा दावा त्यांनी केला.

‘विरोधक एकत्र आले तरी भाजपला फरक पडणार नाही’

विरोधी पक्षांच्या संभाव्य आघाडीबाबत बोलताना बावनकुळे यांनी भाजपच्या ताकदीचा उल्लेख केला. ते म्हणाले की, महाराष्ट्रासह देशभरात भाजपचा जनाधार सातत्याने वाढत आहे.

“आज महाराष्ट्रात आणि देशात भाजपला सुमारे 51 टक्के मतांचा पाठिंबा मिळत आहे. त्यामुळे विरोधकांनी कितीही एकत्र येण्याचा प्रयत्न केला तरी त्याचा भाजपवर कोणताही परिणाम होणार नाही. आमचा भर केवळ विकासाच्या राजकारणावर आहे,” असे त्यांनी स्पष्ट केले.

मोदींच्या नेतृत्वावर विश्वास

यावेळी बावनकुळे यांनी पंतप्रधान नरेंद्र मोदी यांच्या नेतृत्वाचेही कौतुक केले. मोदी यांनी सलग 12 वर्षे पंतप्रधानपद भूषवून देशाला विकासाच्या नव्या उंचीवर नेल्याचा दावा त्यांनी केला.

“देशात पायाभूत सुविधा, डिजिटल अर्थव्यवस्था, महिला सक्षमीकरण आणि गरीब कल्याणाच्या क्षेत्रात मोठे बदल झाले आहेत. मोदींच्या नेतृत्वाखाली भारत जागतिक स्तरावर अधिक मजबूत झाला आहे,” असेही बावनकुळे म्हणाले.

विलीनीकरणाच्या चर्चांमुळे राजकीय वातावरण तापले

दरम्यान, राष्ट्रवादी काँग्रेस (शरद पवार गट) काँग्रेसमध्ये विलीन होण्याच्या चर्चांमुळे राज्याच्या राजकारणात नवे समीकरण तयार होण्याच्या शक्यता व्यक्त केल्या जात आहेत. विरोधी पक्षांकडून 2029 च्या लोकसभा निवडणुकीच्या पार्श्वभूमीवर व्यापक एकजूट करण्याची गरज व्यक्त केली जात असताना, भाजपकडून मात्र अशा चर्चांकडे फारसे गांभीर्याने पाहिले जात नसल्याचे दिसत आहे.

यामुळे येत्या काही दिवसांत शरद पवार, काँग्रेस नेतृत्व आणि महाविकास आघाडीतील इतर घटक पक्ष या विषयावर नेमकी काय भूमिका घेतात, याकडे राज्याच्या राजकीय वर्तुळाचे लक्ष लागले आहे.