पोलिसांना घरांसाठी 1768.08 कोटी मंजूर; फडणवीस सरकारचा निर्णय

By, Pravin Wankhade - May 12, 2026 09:36:32

0

विशेष प्रतिनिधी

मुंबई : राज्यात मुख्यमंत्री देवेंद्र फडणवीस यांच्या सरकारने पोलिसांच्या हिताचे अनेक निर्णय घेतले. यापैकी एक निर्णय पोलिसांना घरे देण्याचा होता. पण महाविकास आघाडीच्या ठाकरे – पवार सरकारच्या काळात पोलिसांना घरे बांधणीसाठी सवलती देण्याचा निर्णय बंद केला होता.

पण आता देवेंद्र फडणवीस यांच्या सरकारने आपला जुना निर्णय पुन्हा एकदा लागू केला. देवेंद्र फडणवीस यांनी ट्विट करून ही माहिती दिली.

CM Fadnavis : शेजारील देशांत पेट्रोल 450 रुपये, आपण वेळीच सावध व्हायला हवे; पीएम मोदींच्या आवाहनानंतर मुख्यमंत्री फडणवीसांची प्रतिक्रिया

– देवेंद्र फडणवीसांचे ट्विट असे :

जनतेच्या सुरक्षेसाठी सातत्याने कार्यरत आपल्या पोलिसांना घरे मिळाली पाहिजे, यासाठी प्रारंभीपासून मी आग्रही राहिलो आहे. त्यामुळेच 2014 ते 2019 या काळात मोठ्या संख्येने पोलिसांना घरांसाठी व्याजसवलत अनुदान योजना राबविण्यात आली. महाविकास आघाडीच्या काळात ती योजना बंद केली गेली होती. पण नंतर पुन्हा आम्ही ती योजना सुरु केली.
आज मला सांगताना आनंद होतो की, आमच्या 5459 पोलिसांना घरांसाठी घरबांधणी अग्रीम म्हणून 1768.08 कोटी रुपयांना मंजुरी प्रदान करण्यात आली आहे. महाराष्ट्र राज्य पोलिस गृहनिर्माण आणि कल्याण महामंडळाकडे आलेल्या या प्रस्तावांसाठी ही रक्कम मंजूर करण्यात आली आहे.