Railways Halts 3 J&K Projects to Save 7 Lakh Apple Trees | February 2026 रेल्वेचा मोठा निर्णय- जम्मू-काश्मीरमध्ये 3 रेल्वे प्रकल्प थांबवले, 7 लाख सफरचंदाची झाडे वाचवण्याचा प्रयत्न

J&K Projects : रेल्वेचा मोठा निर्णय- जम्मू-काश्मीरमध्ये 3 रेल्वे प्रकल्प थांबवले, 7 लाख सफरचंदाची झाडे वाचवण्याचा प्रयत्न

वृत्तसंस्था

श्रीनगर : J&K Projects रेल्वे मंत्रालयाने जम्मू-काश्मीरमधील प्रस्तावित तीन प्रकल्पांना स्थगिती दिली आहे. रेल्वेने डिसेंबर २०२३ मध्ये काश्मीरमध्ये तीन नवीन मार्गांच्या सर्वेक्षणाला मंजुरी दिली होती. हे रेल्वे मार्ग होते- सोपोर-कुपवाडा (३३.७ किमी), अवंतीपोरा-शोपियान (२७.६ किमी) आणि अनंतनाग-बिजबेहारा-पहलगाम (७७.५ किमी). मात्र, स्थानिक नागरिक आणि सरकारच्या आक्षेपानंतर सर्वेक्षण थांबवण्यात आले आहे.J&K Projects

माहितीनुसार, श्रीनगर ते बारामुल्लापर्यंत एक रेल्वे मार्ग अस्तित्वात आहे. प्रस्तावित तिन्ही मार्ग खोऱ्यातील प्रमुख बागायती जिल्ह्यांमधून जाणार होते. यात शोपियान, पुलवामा, अनंतनाग यांचा समावेश आहे. शेतकरी विरोध करत होते, कारण येथे रेल्वे मार्ग टाकल्यास ७ लाखांहून अधिक सफरचंदाची झाडे तोडली गेली असती. इतक्या कृषी जमिनीच्या नुकसानीमुळे हजारो कुटुंबांसमोर उपजीविकेचे संकट उभे राहिले असते.J&K Projects

राजकारण बंद करा, अजितदादांच्या विमान अपघाताबाबतचा वाद निरर्थक, मुख्यमंत्री देवेंद्र फडणवीस यांनी सुनावले

…जेणेकरून सफरचंदाच्या बागांचे नुकसान टाळता येईल

केंद्रीय रेल्वे मंत्री अश्विनी वैष्णव यांनी सांगितले की, जम्मू-काश्मीर सरकार आणि खासदारांच्या शिफारशीनंतर तीन रेल्वे प्रकल्प सध्या थांबवण्यात आले आहेत, जेणेकरून सफरचंदाच्या बागांचे नुकसान टाळता येईल.

रेल्वे लाईन या भागांना स्पर्श करून जात असे

जम्मू-काश्मीरचे मुख्यमंत्री ओमर अब्दुल्ला यांचे म्हणणे आहे की, जर उद्देश पहलगाम मार्गे लडाखला किंवा शोपियानमार्गे राजौरी आणि पूंछला जोडणे असता, तर विचार करता आला असता. रेल्वे लाईन या भागांना स्पर्श करून गेली असती.