वेटिंग तिकीट रद्द झाल्यावरही गत 3 वर्षांत रेल्वेची किती झाली कमाई? RTI मध्ये समोर आली ही चकित करणारी माहिती Even after canceling the waiting ticket, how much did the railways earn in the last 3 years

वेटिंग तिकीट रद्द झाल्यावरही गत 3 वर्षांत रेल्वेची किती झाली कमाई? RTI मध्ये समोर आली ही चकित करणारी माहिती

वृत्तसंस्था

नवी दिल्ली : भारतीय रेल्वे हे देशातील सर्वात किफायतशीर आणि प्रमुख वाहतुकीचे साधन आहे. दररोज कोट्यवधी लोक रेल्वेने प्रवास करतात. पण तुम्हाला माहीत आहे का, फक्त प्रतीक्षा यादीतील ट्रेनची तिकिटे रद्द करून रेल्वेला किती कमाई होते? एका आरटीआयच्या उत्तरात, रेल्वेने म्हटले आहे की 2021 ते जानेवारी 2024 या कालावधीत केवळ प्रतीक्षा यादीतील रेल्वे तिकिटे रद्द केल्यामुळे 1230 कोटी रुपये कमावले आहेत. केवळ जानेवारी 2024 मध्ये रेल्वे तिकीट रद्द केल्यामुळे रेल्वेला सुमारे 43 कोटी रुपयांची कमाई झाली आहे. Even after canceling the waiting ticket, how much did the railways earn in the last 3 years

आरटीआय कार्यकर्ते डॉ. विवेक पांडे यांनी दाखल केलेल्या आरटीआयला उत्तर देताना, रेल्वेने रेल्वे तिकीट रद्द करण्यापासून मिळालेल्या उत्पन्नाचा तपशील शेअर केला आहे.

दिवाळीत तिकीट रद्द करून किती कमाई झाली?

डॉ. विवेक पांडे यांनी 2023 सालच्या दिवाळीत (5.11.2023 ते 17.11.2023 पर्यंत) वेटिंग ट्रेन तिकीट रद्द करण्यापासून रेल्वेने किती पैसे कमावले याचीही विचारणा केली. आपल्या प्रतिसादात, रेल्वेने सांगितले की, या कालावधीत, प्रतीक्षा यादीतील रेल्वे तिकिटे रद्द करून रेल्वेने सुमारे 10.37 कोटी रुपये कमावले आहेत. त्याच वेळी, तत्काळ प्रतीक्षा यादीतील तिकिटे रद्द करून सुमारे 2.91 कोटी रुपये कमावले आहेत.

कन्फर्म तिकीट रद्द करण्याचे नियम काय आहेत?

ट्रेन सुटण्याच्या वेळेच्या 48 तास आधी तिकीट रद्द केल्यावर, जनरल क्लास (२एस) मध्ये 60 रुपये, स्लीपर क्लासमध्ये 120 रुपये, एसी चेअर कार आणि थर्ड एसीमध्ये 180 रुपये, सेकंड एसीमध्ये 200 रुपये, फर्स्ट एसी व एक्झिक्यूटिव्ह क्लासमध्ये 240 रुपये वजावट आहे.

जर तिकीट 48 तासांच्या आत किंवा सुटण्याच्या वेळेच्या 12 तास आधी रद्द केले तर एकूण रकमेपैकी 25% वजा केली जाईल.

ट्रेनच्या नियोजित सुटण्याच्या वेळेच्या 4 तास ते 12 तास आधी तिकीट रद्द केल्यास, तिकीटाच्या किंमतीपैकी अर्धा म्हणजे 50% कापले जाईल.

तुम्ही ट्रेनच्या नियोजित सुटण्याच्या वेळेच्या 4 तास आधी तुमचे तिकीट रद्द करू शकत नसाल तर तुम्हाला एक पैसाही परतावा मिळणार नाही.

चार्ट तयार केल्यानंतरही तुमचे तिकीट RAC मध्ये असेल आणि तुम्ही ट्रेनच्या नियोजित सुटण्याच्या वेळेच्या 30 मिनिटे आधी तुमचे तिकीट रद्द केले, तर स्लीपर क्लासमध्ये 60 रुपये कॅन्सलेशन शुल्क आकारले जाईल. तर एसी क्लासमध्ये 65 रुपयांची कपात होते.