लोकसभा निवडणुकीपूर्वी अमित शाहांची मोठी घोषणा, देशभरात CAA लागू होणार

By, Pravin Wankhade - February 10, 2024 07:00:42

0

विरोधक मुस्लिमांचीही दिशाभूल करत आहेत, असं अमित शाह म्हणाले आहेत.

विशेष प्रतिनिधी

नवी दिल्ली : मोदी सरकार आपल्या कार्यकाळात सातत्याने मोठे निर्णय घेत आहे. मग ते कलम ३७० असो किंवा राम मंदिराचे बांधकाम असो. मोदी सरकार आपल्या दुसऱ्या कार्यकाळात असेच आणखी निर्णय घेणार आहे. या अंतर्गत, नागरिकत्व सुधारणा कायदा म्हणजेच CAA 2024 मध्ये आगामी लोकसभा निवडणुकीपूर्वी संपूर्ण देशात लागू केला जाईल. खुद्द केंद्रीय गृहमंत्री अमित शाह यांनी ही घोषणा केली आहे. एका सार्वजनिक कार्यक्रमात एका प्रश्नाला उत्तर देताना अमित शाह यांनी ही माहिती दिली. ते म्हणाले की, मोदी सरकार जनतेच्या आणि देशाच्या हितासाठी सतत काम करत आहे.Amit Shahs big announcement before the Lok Sabha elections CAA will be implemented across the country

2024 च्या लोकसभा निवडणुकांपूर्वीच संपूर्ण देशात CAA लागू होणार; अमित शाहांची महत्त्वपूर्ण घोषणा!!

गृहमंत्री अमित शाह यांनी आपल्या भाषणात स्पष्टपणे सांगितले की, नागरिकत्व दुरुस्ती कायदा म्हणजेच CAA लागू केल्याने देशातील कोणत्याही व्यक्तीच्या नागरिकत्वावर कोणताही परिणाम होणार नाही. याच्या आगमनामुळे आपले नागरिकत्व धोक्यात येईल, असे ज्यांना वाटते, त्यांनी असे काही होणार नाही, हे लक्षात घ्यावे.

देशात CAA आणण्याची गरज आणि त्याचा उद्देश काय आहे? हे अमित शाह यांनी स्पष्ट केले आहे. त्यांनी सांगितले की सीएए आणण्याचे कारण केवळ पाकिस्तान, अफगाणिस्तान आणि बांगलादेशातील अल्पसंख्याकांना नागरिकत्व देणे आहे ज्यांना धार्मिक छळाचा सामना करावा लागतो. शाह म्हणाले की, पूर्वीच्या काँग्रेस सरकारने अशा लोकांना नागरिकत्व देण्याचे आश्वासन दिले होते, जे आपल्या देशासाठी चांगले नाही.

केंद्रीय गृहमंत्री अमित शाह यांनी स्पष्टपणे सांगितले की, विरोधक देशातील अल्पसंख्याकांची, विशेषत: मुस्लिमांची दिशाभूल करण्याचे काम करत आहेत. शाह म्हणाले की, आमच्या मुस्लिम बांधवांचीही सीएएबाबत फसवणूक केली जात आहे. त्यांना चिथावणी दिली जात आहे. नागरिकत्व सुधारणा कायदा हा पाकिस्तान, अफगाणिस्तान आणि बांगलादेशातील धार्मिक अल्पसंख्याकांनाच नागरिकत्व देण्यासाठी आहे.